ક્રાઇમ:રાપરમાં ત્રણ જુગારી 10 હજાર રોકડ સાથે જબ્બે

રાપરમાં મકાનના આંગણામાં જુગાર રમી રહેલા ત્રણ જુગારીઓને પોલીસે રૂ.10 હજાર રોકડ રકમ સાથે પકડી લીધા હતા. રાપરના જુના પીએચસી પાછળ આથમણા નાકા પાસે રહેતા શંકરભાઇ જીવાભાઇ ઝાલાના મકાનના આંગણામાં જુગાર રમાઇ રહ્યો હોવાની બાતમીના આધારે પોલીસે ગત બપોરે દરોડો પાડી ગંજીપાના વડે તીનપત્તીનો જુગાર રમી રહેલા શંકરભાઇ જીવાભાઇ ઝાલા, રોહિતભાઇ ખીમજીભાઇ ચૌહાણ અને સલીમભાઇ આલમભાઇ સિપાઇને રૂ.10,260 રોકડ સાથે પકડી લઇ ત્રણે વિરૂધ્ધ કોન્સ્ટેબલ પ્રકાશજી દેહલાણીયાએ જુગારધારા હેઠળ ગુનો નોંધી કાયદેસર કાર્યવાહી કરી હતી.