મદદ:રાપરથી ગુમ થયેલી યુવતી કાંકરેજથી મળી

રાપરના સમાવાસમાંથી તા.26/11 ના લાપત્તા બનેલી યુવતીને લોકલ ક્રાઇમ બ્રાન્ચની ટીમે કાંકરેજ તાલુકામાંથી શોધી માતા-પિતા સાથે સુખદ મિલન કરાવ્યું હતું. આ બાબતે ઇન્ચાર્જ એલસીબી પીઆઇ બી.જે.જોષીએ વિગતો આપી હતી કે, તા.26/11 ના રાપરના સમાવાસમાં રહેતી 19 વર્ષીય યુવતી કવિતાબેન બાબુભાઇ દાફડા અચાનક ગુમ થઇ ગયા હતા.

આ બાબતે તેમના વાલીએ નોંધાવેલી ગૂમ નોંધ બાદ પૂર્વ કચ્છ એલસીબીની ટીમે ટેકનિકલ સર્વેલન્સ તથા હ્યુમન ઇન્ટેલિજન્સની મદદથી ગુમ થનાર યુવતીની વિગતો મેળવી રાપર પોલીસને સાથે રાખી બનાસકાંઠાના કાંકરેજ તાલુકાના તાતિયાણા ગામમાંથી શોધી માતા-પિતા સાથે સુખદ મિલન કરાવ્યું હતું. પરિવારે પોલીસને કામગીરી બીરદાવી આભાર વ્યક્ત કર્યો હતો. આ કામગીરીમાં એલસીબી ઇન્ચાર્જ પીઆઇ સાથે રાપર પોલીસ મથકના પીઆઇ જી.એલ.ચૌધરી તેમજ એલસીબી અને રાપર પોલીસ મથકનો સ્ટાફ જોડાયો હતો.