મુલાકાત:તાલુકા સેન્ટરોની જમીન મુદ્દે સમીક્ષા કરવામાં આવી

મુખ્ય જિલ્લા આરોગ્ય અધિકારીએ આજે આદિપુર ગાંધીધામ ખાતે કોવિડ-19 વેક્સિન સાઇટની મુલાકાત લઇને કામગીરીની સમીક્ષા કરી હતી. બાકી હેલ્થ કેર વર્કર્સ, ફ્રન્ટ લાઇન વર્કર્સ રસીકરણનું મહત્વ સમજી આગળ આવે તેની પર તેઓએ ભાર મુક્યો હતો. ડીએચઓ ડૉ.જે.ઓ. માઢકે જિલ્લામાં ચાર્જ સંભાળ્યા પછી પ્રથમ વખત જિલ્લાની મુલાકાત લીધી હતી.

તેઓએ આદિપુર હેલ્થ સેન્ટરની મુલાકાત લઇ તાલુકાના સેન્ટરોની જમીન અંગે સમીક્ષા પણ કરી હતી. જ્યારે રામબાગ હોસ્પિટલમાં એસએનસીયુની કામગીરી પણ નિહાળી હતી. આ પ્રસંગે તાલુકા હેલ્થ ઓફિસર ડૉ. દિનેશ સુતરીયા, ડૉ. અનુપ શ્રીવાસ્તવ, ડૉ. ભરત બલદાણીયા, ડૉ. આદિલ વગેરે હાજર રહ્યા હતા.