માગણી:દુકાન બહાર લગાવાતા ટેન્ટ માટે પગલા ભરો

ગાંધીધામ- આદિપુરમાં સિઝનેબલ ધંધો કરવા માટે વેપારી ઉપરાંત જુદા જુદા લોકો દ્વારા દુકાનની આગળ તંબુ નાખીને વેપાર કરતા હોય છે. જેને લઇને દબાણ સહિતની સમસ્યા પણ સર્જાતી હોય છે. ગાંધીધામના નાગરીક ધીરૂભાઇ શ્રીમાળીએ ચીફ ઓફિસરને પત્ર પાઠવી ઓસ્લો સિનેમા પાસે ગુજરાત સ્ટેશનરી દ્વારા સ્ટોલ મંડપ નાખી અડચણરૂપ દબાણ કર્યું હોવાનું જણાવી આ દબાણ મુક્ત કરવા માટે માગણી કરી છે. વળી, કેરોસીનના ડબલા ફુટપાટ પર રહેતા હોવાથી આગની ઘટનાની દહેશત પણ વ્યક્ત કરી છે.