કોરોના સંક્રમણ:રામબાગના તબીબનો RTPCR ટેસ્ટ પોઝિટિવ, કોરોના વેક્સિનના પ્રથમ ડોઝ બાદ સંક્રમિત થયા હતા

ગાંધીધામના આદિપુરના રામબાગ હોસ્પિટમાં ઈન્ચાર્જ સુપ્રીટેન્ડન્ટ તરીકે ફરજ નિભાવતા તબીબ કે જેમને ગત મહિને કોરોના વેક્સિનનો પ્રથમ ડોઝ અપાયો હતો, જેનો રેપીડ બાદ આરટીપીસીઆર ટેસ્ટ પણ પૉઝિટિવ આવતા મામલો ચર્ચાના ચકડોળે ચડ્યો હતો.

રામબાગ હોસ્પિટલમાં કાર્યરત ડો. અનુજ શ્રીવાસ્તવને ગત મહિને 16 જાન્યુઆરીના કોરોના વેક્સિનનો પ્રથમ ડોઝ આપવામાં આવ્યો હતો. ગત સપ્તાહે તેવો રાજકોટ બેઠકમાં સામેલ થયા બાદથી તેને તાવ જેવા લક્ષણો જોવા મળતા રેપીડ ટેસ્ટ કરાવતાં કોરોના ડિટેક્ટ થતા એકાંતવાસ સ્વિકારીને આરટીપીસીઆર ટેસ્ટ કરાવ્યો હતો.

જેનો રિપોર્ટ પણ પૉઝિટિવ આવ્યો હતો. તેમના પત્નિનો પણ રિપોર્ટ પૉઝિટિવ આવતા ઘરેજ ક્વોરોન્ટાઈન થયા હતા. નોંધવુ રહ્યું કે કોરોનાની વેક્સિનની પ્રક્રિયા એક નહિ પરંતુ બે ડોઝની છે, જે બંન્ને ડોઝ લીધા બાદ કોરોના સામે કવચનો દાવો કંપનીએ કર્યો છે. ડો. ચેતન વોરાના જણાવ્યા અનુસાર આ પ્રકારના કેસો અન્ય સ્થળોએ પણ આવ્યા હોવાથી આવી સ્થિતીમાં કશું અસામાન્ય ના હોવાનું અને લોકોને નિયમો પાળતા રહેવાની અપીલ કરી હતી.