તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

વીમાની સેવાઓ:કંડલાથી 5ની સામે હવે એક અમદાવાદની ફ્લાઈટ ચાલુ

ગાંધીધામ22 દિવસ પહેલા
  • કૉપી લિંક
  • વિમાની સેવા સામાન્ય થતા વાર લાગશે
  • કોરોનાના પગલે અમદાવાદ નાશીક 15 જુન સુધી રદ

કચ્છમાં સૌથી સક્રિય એરપોર્ટ થઈ ગયેલા કંડલા એરપોર્ટની ગતીવીધી પર કોરોનાના બીજા મોજાએ ઉંડી અસર પહોંચાડી છે. બે મહિના બાદ હજી પણ અહિ નિયમીત ધોરણે એકજ અમદાવાદની ફ્લાઈટ ઓપરેટ થઈ રહી છે, તો બીજી અમદાવાદ નાશીકની એર ઈન્ડીયાની વીમાની સેવા જે અગાઉ 31મી મે સુધી રદ હતી, તેને લંબાવીને 15 જુન સુધી રદ કરાઈ છે.

કંડલા એરપોર્ટના ડાયરેક્ટર સંજીવ મંઘલે જણાવ્યું હતું કે કંડલા અને દિલ્હીની ફ્લાઈટ કે જે સ્પાઈસ જેટ દ્વારા ઓપરેટ કરાય છે, તેઓ પ્રવાસીઓના બુકિંગ રેશીયોના આધારે ફ્લાઈટ ઓપરેટ કરવાનો નિર્ણય લઈ રહ્યા છે. હાલમાં સ્થિતી એવી છે કે બુકિંગ વધુ થાય ત્યારેજ ફ્લાઈટ આવી રહી છે. જે ગત બે સપ્તાહથી સરેરાશ એકાદ બે વાર ઓપરેટ થઈ છે. તો બીજી તરફ એરઈન્ડીયાની અમદાવાદ નાશીક ફ્લાઈટને આગામી 15 જુન સુધી રદ કરાઈ છે. આ તમામ વચ્ચે નિયમીત રુપે એકજ ફ્લાઈટ હાલ ઓપરેટ થઈ રહી છે. ટ્રુ જેટની અમદાવાદની ફ્લાઈટ સપ્તાહમાં ચાર દિવસ હાલ ચાલુ છે. કોરોના સંલગ્ન માર્ગદર્શીકાઓનું ચુસ્તતા પુર્વક એરપોર્ટમાં પાલન કરાઈ રહ્યું હોવાનું ડાયરેક્ટરે જણાવીને પ્રવાસીઓનો ધસારો વધતા ફરી વીમાની સેવાઓ પુર્વવત થશે તેવી આશા વ્યક્ત કરી હતી.

અન્ય સમાચારો પણ છે...