દુર્ઘટના:મચ્છુનગરમાં આગ લાગતા ટેમ્પો ભરાય તેટલું ઘાસ ખાખ, પાલિકાને જાણ કરાતાં ફાયર બ્રિગેડ પહોંચી ગઇ

ગાંધીધામ હાઇવે પર મચ્છુનગરના એક સ્થળ પર ઘાસના જથ્થામાં અગમ્યકારણોસર આગ લાગી ગઇ હતી. આગના પગલે નગરપાલિકાને જાણ કરવામાં આવતાં ફાયર બ્રિગેડનો કાફલો પહોંચી ગયો હતો અને અંદાજે દોઢેક કલાક સુધી પાણીનો મારો ચલાવી આગને કાબુમાં લીધી તે પહેલા એક ટેમ્પો ભરાય તેટલું ઘાસ બળીને ખાખ થઇ ગયું હતું.

ગાંધીધામ- આદિપુરમાં છેલ્લા કેટલાય સમયથી નાની મોટી આગ લાગવાના બનાવો વધી રહ્યા છે. બુધવારે બપોરના સમયે નગરપાલિકાના ફાયર બ્રિગેડને ફોન આવતાં હેમંતભાઇ દિપકભાઇ ગરવાની ટીમ ફાયર મેન કિરણ ફફલ, પાર્થ હીંગોરજા, વિજય મહેશ્વરી વગેરે મચ્છુનગર પહોંચી ગયા હતા. હાઇવે પર આવેલ આ સ્થળે લાગેલી આગને કાબુમાં લેવા માટે ફાયર બ્રિગેડ દ્વારા કવાયત હાથ ધરવામાં આવી હતી. આગના પગલે લોકોના ટોળા પણ ઉમટ્યા હતા.