ખેડૂત આંદોલન:શહેર તાલુકાના વેપારી ભાઈઓને કોંગ્રેસનુ આહવાન, બંધના એલાનમાં જોડાઈ ખેડૂતોને સમર્થન કરો

કિસાનોના ચાલી રહેલા આંદોલનને ટેકો આપવામાં આવી રહયો છે. તા.8ના દેશવ્યાપી બંધને સફળ બનાવવા તૈયારી શરૂ કરવામાં આવી રહી છે. કોંગ્રેસ આ બંધને સમર્થન આપી આવતી કાલની રણનીતિ તૈયાર કરી છે. સંકુલના વેપારીઓને બંધમાં જોડાવવા આહવાન આપેલ છે. ગાધીધામ શહેર તાલુકા ના તમામ વેપારીઓને ખેડૂતો ના સમર્થનમાં તા. 8 ના મંગલવારે પોતાના કામધંધા, દુકાનો, ઓફીસો, બંધ રાખી જોડાવવા કોગ્રેસે અપીલ કરી છે. કાર્યકરોને પણ સવારે 10 વાગે બાબા સાહેબ આંંબેડકરની પ્રતિમા પાસે ભેગા મળી બાબા સાહેબ ની પ્રતિમા ના હારા રોપણ કરી બંધ ને સફળ બનાવવા બહોળી સંખ્યામાં હાજરી આપવા સુચના આપી છે.

જે કાર્યકરો કે આગેવાનો આ કાર્યક્મમાં નહી જોડાય તેની પ્રદેશ કક્ષાએ ગેર હાજરીની નોંધ લેવાશે તેવી ચિમકી પણ શહેર અને તાલુકાના પ્રમુખ સંજય ગાંધી,ગનીભાઈ માંજોઠીએ આપી છે. ઉલ્લેખનીય છે કે હવે સ્થાનિક સ્વરાજ્યની ચૂંટણીના પડઘમ વાગી રહ્યા છે તેવા સંજોગોમાં વિપક્ષ તરીકે સક્રિય ભુમિકા ભજવવા કોંગ્રેસે વધુ મહેનત કરી રહી હોય તેવું જણાઈ રહ્યું છે. અગાઉ પણ શહેરના જુદા જુદા પ્રશ્નો કે સમસ્યાઓ ઉઠાવવામાં આવી છે.