ક્રાઈમ:ચોરાયેલા ટ્રેક્ટરને ગણતરીના કલાકોમાં શોધી કાઢતી ભચાઉ પોલીસ

ભચાઉમાં ટ્રેક્ટર ચોરાઈ ગયાની ફરિયાદ પોલીસ ચોપડે ચડ્યાના ગણતરીના કલાકોમાં પોલીસે આરોપીને ઝડપીને મુદામાલને કબ્જે કરવામાં સફળતા મેળવી હતી. ભચાઉ પોલીસ મથકે નોંધાયેલી ફરિયાદ અનુસાર ગતરાત્રે આંબરડી ગામ ખાતે થી એક લાખની કિંમતનું ટ્રેક્ટર ચોરી થઈ ગયું હતું. જે આરોપી ચાલક જુની મોટી ચીરઈ થી પશુડા ગામ તરફ જઈ રહ્યા હોવાની બાતમીના આધારે પોલીસે પીછો કરીને દરગાહ પાસેથી ચોરીમાં ગયેલા ટ્રેક્ટર સાથે આરોપી શામજી છગન કોલી (ઉ.વ.21) (રહે. વથાણની બાજુમાં, આંબરડી, ભચાઉ) ને પકડી પાડ્યો હતો. આ કામગીરીમાં પીઆઈ એસ.એન. કરંગીયા, બળદેવસિંહ જાડેજા, વિશ્વજીતસિંહ ગોહીલ, અશોક ઠાકોર, સુરેશભાઈ પીઠીયા સહિતના જોડાયા હતા.