ટ્રાફિક સમસ્યા:સુરજબારી પાસે ટ્રાફિક ખોરવાતાં એમ્બ્યુલન્સ રોંગ સાઇડ દોડાવાઇ

ભચાઉથી મોરબી સુધી નેશનલ હાઇવે ઓથોરિટી દ્વારા કરવામાં આવી રહેલા મરમ્મતના કાર્યને કારણે છેલ્લા ચાર માસથી આ હાઇવે પર ટ્રાફીક જામ થતો હોવાની સમસ્યા રોજિંદી બની ગઇ છે. ગત રાત્રે પણ સુરજબારી પાસે સર્જાયેલા ટ્રાફીક જામમાં અટકાયેલી એમ્બ્યુલન્સ ઇમરજન્સી કેસ હોવાને કારણે ના છૂટકે રોંગ સાઇડમાં દોડાવવાની ફરજ પડી હતી.

આ ટ્રાફિકજામની રોજિંદી સમસ્યાને કારણે બળતળ, સમયનો બગાડ તો થઇ રહ્યો છે પરંતુ આ કોઇ વ્યક્તિના જીવન મરણનો સવાલ હોય અને હોસ્પિટલ પહોંચાડવાની હોય ત્યારે આ ટ્રાફીકજામ કોઇક માટે જીવલેણ સાબિત થઇ શકે છે.