અકસ્માત:રવાપર-વિગોડી ફાટક વચ્ચે ટ્રક અને એસટી બસ વચ્ચે અકસ્માત

નખત્રાણા તાલુકાના રવાપરથી વિગોડી ફાટક વચ્ચે શનિવારે વહેલી સવારે એસ.ટી. બસ અને ટ્રક વચ્ચે અકસ્માતનો બનાવ બન્યો હતો, સદભાગ્યે આ બનાવમાં કોઇ જાનહાની કે મોટી નુકસાની થઇ ન હતી. શનિવારે વહેલી સવારે પાંચ વાગ્યાના અરસામાં રવાપર તરફ પુરપાટ ઝડપે જીજે 12 એએમ 9788 નંબરની ટ્રક જઇ રહઇી હતી ત્યારે રોડની વચ્ચે ખાડો આવતા ચાલકે અચાનક બ્રેક લગાવી હતી. તો માતાનામઢ તરફથી આવેલી રહેલી અમરેલી-માતાનામઢ રૂટની એસટી બસ નંબર જીજે 18 ઝેડ 3220 ટ્રકના પાછળના ભાગે ધડાકાભેર અથડાઇ હતી. અકસ્માતના બનાવમાં બસમાં પ્રવાસ કરેલી રહેલા મુસાફરો તેમજ ડ્રાઇવરને સામાન્ય ઇજાઓ પહોંચી હતી. બેસની ડ્રાઇવર સાઇડમાં વધુ નુકસાની થઇ હતી. અકસ્માતના પગલે થોડા સમય માટે ટ્રાફિક જામ થયો હતો બાદમાં રસ્તો ખુલ્લો થઇ ગયો હતો.