દુર્ઘટના:ભચાઉમાં પીજીવીસીએલના ટ્રાન્સફોર્મમાં ધડાકા સાથે આગ

ભચાઉ નજીકના પેટ્રોલ પમ્પ પાસે પી.જી.વી.સી એલ.ના ટ્રાન્સફોર્મર ધડકા સાથે ફફડાટ ફેલાયો હતો. અાગના કારણે નજીકમાં ઘાસચારો સળગી ઉઠ્યો હતો. બનાવની જાણ પીજીવીસીએલ અને નગરપાલિકાના ફાયર ફાઈટરને કરતા ફાયર ફાઈટરની ટીમ અને પીજીવીસીએલની ટીમ ઘટનાસ્થળે ધસી અાવી હતી. નજીકમાં આવેલા પેટ્રોલ પંપના સંચાલકે તાત્કાલિક ભચાઉ પીજીવીસીએલને લાઇટ બંધ કરવાનો ફોન કર્યો હતો. અા બનાવને પગલે વોંધ ગામમાં વીજ પુરવઠો બંધ થયો હતો. રાત્રિના સમયે હાઇવે નજીક લાગેલી આગના કારણે વાતાવરણ ભયજનક બન્યું હતું.