હાલાકી:અંજારમાં ગોકુલ નગરમાં ગટરના પાણી ભરાતા પરેશાની

અંજાર-મેઘપર રોડ પર આવેલ ગોકુલ નગરમાં ગટરના પાણી ભરાતા હોવાથી સ્થાનિકોને પરેશાની ઉઠાવવી પડી રહી છે. જેથી આ બાબતની ફરિયાદ લઈ મહિલાઓ પાલિકા કચેરીએ પહોંચી હતી. આ બાબતે ગોકુલ નગરની માહિલાઓએ પાલિકા કચેરીએ આવી ચીફ ઓફિસરને રજુઆત કરી હતી કે, આગળના વિસ્તારમાં ભરતી ભરી નાખવામાં આવી હોવાથી અને ગટરના પાણીનો યોગ્ય નિકાલ ન હોવાથી તમામ ગટરનું પાણી ગોકુલ નગર વિસ્તારમાં આવે છે. જેના કારણે ગંદકી થતી હોવાથી મચ્છરનો ઉપદ્રવ પણ વધ્યો છે અને આ વિસ્તારમાં બીમારી ફેલાવાની પણ દહેશત છે. જેથી તાત્કાલિક આ સમસ્યાનો નિરાકરણ કરવામાં આવે તેવી માંગ કરવામાં આવી હતી.