અપમૃત્યુ:વિડીમાં ઝેરી દવા પીને, દેવળીયામાં ફાંસો ખાઇને બે સગીરાના આપઘાત

અંજાર વિસ્તારમાં એક સાથે 3 અપમૃત્યુના બનાવો સામે આવ્યા હતા. જેમાં વિડી ગામે 16 વર્ષીય સગીરાએ પાકમાં છાંટવાની દવા પી આપઘાત કરી લીધો હતો, તો દેવળીયા ગામે 15 વર્ષની તરૂણીએ ગળે ફાસો ખાઈ લીધો હતો. તો બીજો તરફ ભુવડ ગામ પાસેથી કોહવાયેલી હાલતમાં 35 વર્ષીય યુવાનનો મૃતદેહ મળી આવ્યો હતો.

અંજાર તાલુકાના વિડી ગામે રહેતી 16 વર્ષીય કાજલ કમલેશભાઈ ઠાકોરે કોઈ અગમ્ય કારણોસર પાકમાં છાંટવાની દવા પી લેતા તેને અંજારની ખાનગી હોસ્પિટલ ખાયે ખસેડવામાં આવી હતી. જેનું સારવાર દરમ્યાન મૃત્યુ થયું હતું. તેવી જ રીતે અંજાર તાલુકાના દેવળીયા ગામે રહેતી 15 વર્ષીય ચંદ્રિકા કાનજીભાઈ રવજીભાઈ દાફડાએ પોતાના ઘરના રસોડાની આડીમાં કોઈ અગમ્ય કારણોસર ગળે ફાસો ખાઈ આયખું ટૂંકાવી લીધું હતું.

બીજી તરફ પોલીસને ભુવડ ગામ પાસેથી 2-3 દિવસ પહેલા મૃત્યુ પામેલા યુવાનનું કોહવાયેલી હાલતમાં મૃતદેહ મળી આવ્યો હતો. જેની તપાસ કરતા ઓળખરૂપે મરણજનારના ખિસ્સા માંથી આધારકાર્ડ મળી આવ્યો હતો. જેમાં અજમેરનો રહેવાસી અને 35 વર્ષીય કરણસિંગ શ્રાવણસિંગ રાવત હોવાનું માલુમ પડ્યું હતું. આ ત્રણેય કિસ્સામાં પોલીસે અકસ્માત મૃત્યુની નોંધ કરી આગળની વધુ તપાસ હાથ ધરી હતી.