કોર્ટનો હુકમ:અંજારમાં ચેક પરતના કેસમાં એક વર્ષની કેદની સજા

અંજાર કોર્ટ દ્વારા ચેક પરતના કેસમાં બમણી રકમ સાથે એક વર્ષની સજા ફટકારવામાં આવી હતી અને જો દંડની રકમ ન ભરે તો વધારાની 6 મહિનાની સજા ફટકારાઈ હતી. આ અંગે મળતી વિગતો મુજબ નવી દુધઈ ગામે રહેતા સાતુદા શશીકાંત રતીલાલને નવાગામના રહેવાસી માવજી વેલજી સથવારાએ રૂા. 10,00,000નો ચેક તા. 4/12/15ના આપ્યો હતો. જે ચેક ફરીયાદીએ બેંક ઓફ બરોડા, દુધઈ શાખામાં જમા કરાવતા અપૂરતા નાણાંના શેરા સાથે પરત આવતા ફરીયાદીએ ધી નેગોશીયેલ ઈસ્યુમેન્ટ એકટની કલમ 138 મુજબ ફરીયાદ કરતા અને તે ફરીયાદ અધિક ચીફ જયુ. મેજિસ્ટ્રેટ, અંજારની અદાલતમાં ચાલતા કેશ સાબીત થઇ જતા કોર્ટ દ્વારા આરોપી માવજી વેલજી સથવારાએ ચેકની રકમના બમણા રૂ. 20,00,000 ફરીયાદીને ચુકવવા હુકમ કર્યો હતો અને એક વર્ષની સજા ફરમાવવામાં આવી હતી અને જો દંઢની રકમ ન ભરે તો 6 માસની વધારાની સજાનો હુકમ ફરમાવવામા આવ્યો હતો. ફરીયાદ પક્ષે એડવોકેટ દિનેશ જે. રાવલ, બી.આર , પ્રજાપતિ તથા વિનોદ જે. રાવલ હાજર રહીને દલીલો કરી હતી.