સંકલ્પ:અંજારના ખોખરામાં યુવાનોએ ગામને પ્લાસ્ટિક મુક્ત કરવાનો સંકલ્પ કર્યો

કચ્છ જિલ્લાના અંજાર તાલુકાના ખોખરા ગામ મધ્યે નેહરુ યુવા કેન્દ્ર, ભુજના ઉપક્રમે સ્વચ્છ ભારત અભિયાન અંતર્ગત વિવિધ કાર્યક્રમોનું આયોજન કરવામાં આવ્યું હતું. આ અભિયાન અંતર્ગત યુવાનો દ્વારા સમગ્ર ગામમાં સફાઇનો પ્રારંભ કરવામાં આવ્યો હતો સાથે યુવાનોએ સ્વચ્છતાના શપથ પણ લીધા હતા તેમજ ખોખરા ગામને પ્લાસ્ટિક મુક્ત કરવાનો પણ સંકલ્પ લીધો હતો. આ કાર્યક્રમમાં ગુજરાત યુવા મંચ અને સાનિધ્ય સંસ્થા તથા કલ્પેશભાઈ મરંડ, વિજયભાઈ રાવલ વગેરે ઉપસ્થિત રહ્યા હતા અને કાર્યક્રમને સફળ બનાવ્યો હતો.