ક્રાઇમ:મેઘપર-કું.માં 12 વર્ષિય સગીરાનું અપહરણ થઈ જતા ફરિયાદ

અંજાર તાલુકાના મેઘપર-કું.માં ખાનગી કંપનીમાં નોકરી કરતાં માતા-પિતાની 12 વર્ષીય સગીર પુત્રીનું કોઈ અજાણ્યા ઈસમો અપહરણ કરી જતા ફરિયાદ નોંધાવવામાં આવી હતી. મેઘપર-કુંભારડીની એક સોસાયટીમાં રહેતા માતા પિતા ખાનગી કંપનીમાં નોકરી કરતા હોવાથી પોતાના ઘરે 12 વર્ષની પુત્રી અમે 5 વર્ષના પુત્રને એકલા મૂકી બંને નોકરીએ ગયા હતા.

જે દરમ્યાન ગુરૂવારે રાત્રે માતાએ નોકરીએથી પરત અવાઈ ઘરમાં જોતા 5 વર્ષીય પુત્ર સૂતો હતો પરંતુ સગીરા ઘરમાં ન હતી. જે સંદર્ભે પાડોશીઓ તથા સંબંધીઓમાં પૂછપરછ કરતા 12 વર્ષીય સગીરની કોઈ ભાળ ન મળતા સગીરાની માતાએ અંજાર પોલીસ મથકે અપહરણ અંગેની ફરિયાદ નોંધાવી હતી. જે સંદર્ભે પોલીસે વધુ તપાસ હાથ ધરી છે.