દુષ્કર્મ:અબડાસાની સગીરાના નગ્ન ફોટા પાડી બીટ્ટાના યુવકે દુષ્કર્મ આચર્યું

અંજારએક મહિનો પહેલા
  • કૉપી લિંક
  • વરસામેડીમાં લગ્નની લાલચ આપી યુવતી સાથે બદકામ

અબડાસા તાલુકાના એક ગામની સગીર વયની છોકરીના નગ્ન ફોટા પાડીને બીટ્ટા ગામના યુવકે દુષ્કર્મ આચર્યો હતો. તો વરસામેડીમાં લગ્નની લાલચ આપી યુવતી સાથે બદકામ કર્યાની ફરિયાદ પોલીસમાં નોંધાઇ છે.નલિયા પોલીસ મથકે ભોગબનાર સગીરાના પિતાએ ફરિયાદમાં જણાવ્યું છે કે, બનાવ આજથી અઢી માસ દરમિયાન બન્યો હતો. તેમની 17 વર્ષીય સગીર દિકરીને બીટ્ટા ગામે રહેતો નરેશ નાનજીભાઇ જેપાર નામનો યુવક ફોન કરીને બોલાવતો હતો.

બાદમાં મોબાઇલમાં નગ્ન ફોટા પાડી અને સગીરા અને તેના પરિવારજનોને મારી નાખવાની ધમકી આપી ફરિયાદીની સગીર વયની દિકરી પર મરજી વિરૂધ વારંવાર દુષ્કર્મ ગુજાર્યો હતો. નલિયા પોલીસે દુષ્કર્મ પોક્સો સહિતની કલમો તળે ગુનો નોંધ્યો છે. અંજાર પોલીસ મથકેથી અંજારના વરસામેડી ગામની સોસાયટી વિસ્તારમાં રહેતી યુવતીએ નોંધાવેલી ફરિયાદને ટાંકીને મળતી માહિતી મુજબ ગાંધીધામમાં તયબાહ મસ્જિદ પાસે રહેતો અફતાબ માંજાઠી નામના શખ્સે લગ્ન કરવાની લાલચ આપી શરીર સબંધ બાંધી વીડિયો ક્લિપ ઉતારી લીધી હતી.

જે બાદ યુવતીએ લગ્નનું કહેતા આરોપીએ તેને જાતિ અપમાનિત કરી વીડિયો ક્લિપ વાયરલ કરવાની અને વાલીને મારી નાખવાની ધમકી આપી હતી. જેથી યુવતીએ અંજાર પોલીસ મથકે ફરિયાદ નોંધાવી છે.

અન્ય સમાચારો પણ છે...