ક્રાઇમ:વરસામેડીમાં 15 વર્ષીય કિશોરનું કરાયું અપહરણ

અંજાર તાલુકાના વરસામેડી સીમમાં આવેલ અરિહંત કોલોની માંથી 15 વર્ષીય કિશોરનું અપહરણ થઈ જતા ફરિયાદ નોંધાવવામાં આવી હતી. આ અંગે અંજાર પોલીસ મથકેથી મૂળ યુ.પી અને હાલે અરિહંત કોલોની, વેલ્સપન ગેટ સામે, વરસામેડી સીમમાં રહેતા 39 વર્ષીય મમતા કમલેશભાઈ ભગવાનદાસ મિશ્રાની ફરિયાદને ટાંકીને મળતી માહિતી મુજબ તા. 4/12ના બપોરે 3 વાગ્યે ફરિયાદી નોકરીએથી તેમના ઘરે આવ્યા ત્યારે તેમના બંને પુત્રો મોબાઈલમાં ગેમ રમવા માટે ઝઘડતા હતા. જે બાબતે ઠપકો આપતા તેમનો 15 વર્ષીય પુત્ર ઉત્કર્ષ ઘર માંથી બહાર ચાલ્યો ગયો હતો. જે મોડી રાત સુધી પરત ન આવતા તેનું કોઈ અજાણ્યા ઈસમો અપહરણ કરી ગયા હોવા અંગે ફરિયાદ નોંધાવવામાં આવી હતી.