લોકડાઉન:તળાજા તાલુકામાં આવેલા લોકોને ઘરમાં જ રહેવા તાકીદ, હજારોની સંખ્યામાં બહારથી વતનમાં આવ્યા છે

લોકડાઉનના ત્રીજા તબક્કામાં આવન-જાવનના નિયમો હળવા થતા છેલ્લા 8-10 દિવસમાં તળાજા વિસ્તારમાં ખાનગી લકઝરી અને કાર તથા પ્રાઇવેટ વાહનોમાં સુરત, ભરૂચ, અમદાવાદ, મુંબઇ વગેરે વિસ્તારો માંથી હજારોની સંખ્યામાં વતનીઓ આવેલા જેઓએ લોકડાઉનના નિયમ મુજબ હોમ કવોરંટાઇન રહેવાનું હોય છે.  આવી સ્થિતિમાં તળાજાના કેટલાક ગામડાઓમાં ગ્રામ્ય પંચાયત દ્વારા ઢોલ ટીપાવીને બહારથી આવેલા વતનીઓને નિયમ મુજબ ઘરમાં સુરક્ષિત રહેવા અને લોકડાઉનના નિયમોનું ચુસ્ત પણે પાલન કરવા જાહેરાત કરી છે. આવા બહારથી આવેલાઓ જાતે સુરક્ષિત રહે અને ગામને સુરક્ષિત રાખે તેવી વિનંતી સાથે આવા નિયમનું પાલન ન થાય તો ગ્રામ્ય પંચાયત દ્વારા પોલીસ  ફરીયાદ કરવામાં આવેશે તેને જણાવાયું છે.