વિવાદ:સિહોર સર્વોત્તમ ડેરીના MDને ફરજમુક્ત કરાતા ખળભળાટ, સત્તાનો દુરૂપયોગ કરતા લેવાયેલુ પગલું

ભાવનગર જિલ્લા દૂધ ઉત્પાદક સંઘના એમ.ડી. હરિશંકર રામશંકર જોષીએ પોતાની ફરજો યોગ્ય રીતે બજાવેલ ન હોય, સંઘના પેટા નિયમ નંબર 23.1.2 મુજબની શૈક્ષણિક લાયકાત તેઓ ધરાવતા ન હોય તેમજ સંઘની મંડળીના સભ્યો તેમજ મંડળી સાથે જોડાયેલ પ્રાથમિક પશુપાલક સભાસદોનો વિશ્વાસ ભંગ કરેલ હોવાનું પ્રથમ દર્શનીય જણાય આવતા ડી.પી.દેસાઇ (આઇ.એ.એસ.) રજિસ્ટ્રાર સહકારી મંડળીઓ ગુજરાત રાજય ગાંધીનગર દ્વારા તેમને મળેલ ગુજરાત રાજય સહકારી મંડળીઓ અધિનિયમ -1961ની કલમ 89થી મળેલ સત્તાની રુએ હરિશંકર જોષીને તાત્કાલિક અસરથી ફરજ મોકુફ કરવા નિયામક મંડળને હુકમ કરતાં જિલ્લા સહકારીક્ષેત્રે ખળભળાટ મચી જવા પામ્યો છે

ભાવનગર જિલ્લા સહકારી દૂધ ઉત્પાદક સંઘ દ્વારા ચાલતી સર્વોત્તમ ડેરીના એમ.ડી. હરિશંકર રામશંકર જોષીએ માત્ર ન્યુ એસ.એસ.સી. તથા નિમ્ન સહકારી ડિપ્લોમાંની શૈક્ષણિક લાયકાત ધરાવે છે. જે લાયકાત સંઘના પેટા નિયમ નં.23.1.2 મુજબ નથી. સંઘના સી- મેનેજર તરીકે એમ.ડી.હરિશંકર રામશંકર જોષીના પુત્ર યોગેશ હરિશંકર જોષીની (સિનિયર મેનેજર) તરીકે નિમણૂક કરવામાં આવેલ છે. તથા તેમના જમાઇ ગોપાલકૃષ્ણ બટુકરાય દવેની (મેનેજર તરીકે) નિમણૂક કરેલ છે.