હાલાકી:સિહોરમાં વીજ પોલ અડચણરૂપ

સિહોરમાં મહાગૌતમેશ્વર નગરમાં રસ્તાની બરાબર વચ્ચે એક વીજપોલ ઊભો છે. આ વીજપોલ છેલ્લા કેટલાય સમયથી અડચણરૂપ ઊભો છે. આ રોડ પરથી મહાગૌતમેશ્વર નગર, શર્મા પાર્ક સહિતના અનેક વિસ્તારોના રહીશો પસાર થાય છે. આ વીજપોલ સાથે કેટલાય વાહનો અથડાવવાથી અકસ્માતની ઘટના ઘટી છે.

પરંતુ વીજ તંત્ર છે કે આ વીજ પોલને રોડની એક સાઇડ લેવાનું નામ જ નથી લેતું. જેથી આ વિસ્તારના રહીશોમાં વીજતંત્ર વિરુધ્ધ ભારે આક્રોશ જોવા મળી રહ્યો છે. તંત્ર આ બાબતને ગંભીર ગણી વહેલામાં વહેલી તકે જરૂરી પગલાં લે તે આવશ્યક છે.