સુવિધા:આખરે સિહોરમાં નગરજનોને મળતું થશે શુધ્ધ પાણી

સિહોરમાં દુષિત પાણી વિતરણ થતું હોવાની ફરિયાદ વ્યાપક પ્રમાણમાં હતી. આ અંગે સૌરાષ્ટ્ર સમાચાર દૈનિક અખબારમાં અવારનવાર સમાચાર પ્રસિધ્ધ કરવામાં આવ્યા હતા.આ અંગેના સમાચાર બાદ આખરે તંત્ર જાગ્યું ખરું. અને દેર આયે દુરસ્ત આયેની માફક આખરે મોડે મોડે પણ સિહોર નગરપાલિકા દ્વારા ફિલ્ટર પ્લાન્ટ શરૂ કરાયો છે.સિહોરમાં ફિલ્ટર પ્લાન્ટ શરૂ કરવાની નગરજનોની વર્ષો જૂની માંગ હતી. અને આ લોકમાંગ વચ્ચે નગરપાલિકાએ ફિલ્ટર પ્લાન્ટ શરૂ કરતાં શહેરીજનોને હવે શુધ્ધ પાણી મળતું થશે. જેનાથી નગરજનોમાં ખુશીની લાગણી ફેલાઇ છે.હવે જોવાનું એ રહે છે કે આ ફિલ્ટર પ્લાન્ટ કાયમી ધોરણે શરૂ રહે છે કે પછી ચાર દિન કી ચાંદની બની રહે છે.