અનોખુ યોગદાન:કેન્સર ડે નિમિતે આજે પોતાના વાળનું દાન કરશે ડો.સ્મિતાબેન

સૌંદર્ય એ સ્ત્રીનું આભુષણ છે. આ આભુષણોમાં સ્ત્રીને પોતાના વાળ (કેશ) બેહદ પસંદ હોય છે. આજે 4થી ફેબ્રુઆરીએ વર્લ્ડ કેન્સર ડે નિમિતે કુ.સ્મિતા વનરા પોતાના કેશ વીગ બનાવવા માટે અર્પણ કરશે. તેણીના પિતા નટવરલાલ દેશ-વિદેશમાં વૈધ તરીકેની ખ્યાતિ ધરાવે છે. અને અનેક લોકોના અસાધ્ય રોગો મટાડીને ખૂબ જ માનવીય સેવા કરી છે.

માતા-પિતાના સદગુણો અને સંસ્કાર વારસો તેમના સંતાનોમાં આવતો હોય છે. સ્મિતાબેન વનરા નટવરલાલના નાના દીકરી છે. અને વડોદરા ખાતે નેચરોપથી કોર્સના અંતિમ વર્ષના વિદ્યાર્થિની છે. તેઓ આજે તા.4/2ને ગુરુવારે સવારે 10 કલાકે લીલા સર્કલ પાસે આવેલા ફિગરો થે યુનિસેકસ સલોન ખાતેથી પોતાના માથાના વાળ ઉતરાવી અમદાવાદ ટાટા મેમોરિયલ હોસ્પિટલ ખાતે કેન્સરમાં વાળ ગુમાવનાર બહેનને વીગ બનાવવા માટે મોકલી આપશે. અને કેન્સર ડેની અનોખી ઉજવણી કરશે. આમ, ડો.સ્મિતાબેન ગૌરવ સંવેદનાસભર કામ કરીને કેન્સર જાગૃતિમાં પોતાનું અનોખું યોગદાન આપી રહ્યા છે.