તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

શિક્ષકોમાં નારાજગી:મહિને 20 સર્વિસ બૂક લેવાના આદેશથી શિક્ષકોમાં નારાજગી

સિહોર20 દિવસ પહેલા
  • કૉપી લિંક
  • સિહોર તાલુકાના 257 પ્રા.શિક્ષકોને સ્પર્શતા પ્રશ્નનો વહેલીતકે ઉકેલ લાવો
  • અગાઉ દર મહિને 25 સર્વિસ બૂક જ સ્વીકારાતી

જે શિક્ષકોની નોકરીના 9,20 કે 31 વર્ષ પૂર્ણ થયા હોય તેવા પ્રાથમિક શિક્ષકો માટે રાજય સરકાર દ્વારા ઉચ્ચતર પગાર ધોરણ આપવાની પ્રવર્તમાન જોગવાઇ છે. આ માટે જિલ્લા કક્ષાએથી મંજુરી મળ્યા બાદ ગાંધીનગર લોકલ ફંડમાં મંજુરી અર્થે મોકલવામાં આવતા હોય છે. અને ગાંધીનગરથી લોકલ ફંડ મંજુરીની મહોર મળ્યે જે-તે કર્મચારીને નવો પગાર મળતો થાય છે.

સિહોર તાલુકાના 257 શિક્ષકો જિલ્લા પ્રાથમિક શિક્ષણાધિકારીની કચેરી ભાવનગર ખાતેથી ડીપીઇઓએ મંજુર કરીને સિહોર મોકલી આપ્યા છે. હવે આ કેસોને ગાંધીનગર મોકલવામાં આવશે. પરંતુ કોરોના સમયથી ગાંધીનગરની લોકલ ફંડ કચેરી દ્વારા દર મહિને ફકત 25 સર્વિસ બૂક જ સ્વીકારાતી હતી અને હવે નવા નિયમ મુજબ દર બે મહિને લોકલ ફંડ જે તારીખ ફાળવે તે તારીખે ફકત 40 સર્વિસ બૂક ગાંધીનગર મોકલવાની. હાલમાં સિહોર તાલુકાના 257 જેટલા કેસો ગાંધીનગરથી મંજુર થઇને આવ્યા.

હવે દર બે મહિને 40 સર્વિસ બૂક ગાંધીનગર મોકલવામાં આવે તો 13 મહિને આ તમામ શિક્ષકોના કેસો ગાંધીનગર પહોંચે. ત્યાંથી આ કેસો મંજુરીને માટે ત્રણથી ચાર માસ બીજા લાગી જાય.એટલે કે એક શિક્ષકનું ઉચ્ચતર પગાર ધોરણ મંજુર થવામાં 15થી 16 માસ લાગી શકે છે.

હાલના સમયે અગાઉ જેમ રોજની 20 સર્વિસ બૂક લેવામાં આવે તો ઉચ્ચતરની કાર્યવાહી ઝડપી બને.આ બધા કેસોને ઓનલાઇન મંજુરી આપવામાં આવે તો ઉચ્ચતરના કેસોને સરળતાથી મંજુરી મળે. હજી 2010 પછી શિક્ષક તરીકે જોડાયેલા 65 હજાર જેટલા શિક્ષકોને 9 વર્ષે પ્રથમ ઉચ્ચતર પગાર ધોરણની મંજુરી અપાશે ત્યારે તેઓને કેટલા વર્ષે ઉચ્ચતર પગાર ધોરણ મળશે તે કલ્પનાતીત છે ! રાજય સરકાર આ બાબતે કોઇ નકકર પગલા ભરી કર્મચારીઓને સમયસર ઉચ્ચતર પગાર ધોરણના લાભો મળી તે માટે ઠોસ કદમ ઊઠાવે તે હાલના તબકકે અત્યંત જરૂરી બની ગયું છે.આથી શિક્ષકો પણ આ પ્રશ્ન ઉકલે તેની લાંબા સમયથી રાહમાં છે.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આજે તમારી પ્રતિભા અને વ્યક્તિત્વ લોકો સામે આવશે તથા તમે તમારા કાર્યોને યોગ્ય રીતે પૂર્ણ કરી શકશો. તમારા વિરોધીઓ તમારી સામે ટકી શકશે નહીં. સમાજમાં પણ માન-સન્માન જળવાયેલું રહેશે. નેગેટિવઃ- ...

    વધુ વાંચો