નિમણુંક:રબારી સમાજના ધર્મગુરુ પૂ. કણીરામબાપુની સનાતન ધર્મ પરિષદના અધ્યક્ષપદે નિયુકિત

સમસ્ત રબારી સમાજના ધર્મગુરુ અને વડવાળા દેવ દૂધરેજ મંદિરના મહંત મહામંડલેશ્વર પ.પૂ.કણીરામબાપુની ગુજરાત રાજય સનાતન ધર્મ પરિષદના અધ્યક્ષપદે સંતો-મહંતોની બહોળી ઉપસ્થિતિમાં સાયલા ખાતે નિયુકિત કરાઇ છે. સાયલા ખાતે મળેલી આ ધર્મસભા અગાઉ પૂ.દયાનંદ સ્વામીબાપા એવોર્ડ પણ પૂ.કણીરામબાપુને પૂ.મોરારિબાપુના હસ્તે એનાયત કરાયો હતો.

સમાજ શિક્ષણની કામગીરી, દીકરીને ભણાવવા પર પૂ.બાપુ ખાસ ભાર મૂકે છે. અને સમાજને નિર્વ્યસની બનાવવાની ઝુંબેશમાં પણ પૂ.બાપુનો મહત્વપૂર્ણ ફાળો રહ્યો છે. પૂ.કણીરામબાપુની સનાતન ધર્મ પરિષદના અધ્યક્ષપદે થયેલી નિયુકિતથી સમસ્ત રબારીમાં આનંદની લાગણી છવાઇ છે.