માંગણી:સિહોરમાં લાઇસન્સ માટે કેમ્પની માંગ

વર્તમાન સમયમાં સરકાર ટ્રાફિકને લગતા નિયમો વધુને વધુ કડક બનાવી રહી છે. જેમાં લાઇસન્સ,પી.યુ.સી.,વીમો અને આર.સી.બૂકને મહત્વ આપવામાં આવી રહ્યું છે. જેમાં લાઇસન્સ માટે હાલમાં સૌથી વધારે ધસારો છે. આથી સિહોરમાં ડ્રાઇવિંગ લાઇસન્સ માટે કેમ્પ કરવાની માંગ ઊઠવા પામી છે. સિહોર તાલુકા કક્ષાએ આર.ટી.ઓ.કચેરી દ્વારા લાઇસન્સ માટે કેમ્પનું આયોજન કરવામાં આવે તો સિહોર શહેર તાલુકાના અનેક લોકોને તેનો ફાયદો થઇ શકે.