ક્રાઇમ:ભાણગઢ ગામે લગ્નમાં ગયેલ શખ્સને વેવાઇએ માર માર્યો

સિહોર તાલુકાના પાલડી ગામે રહેતા ઘનશ્યામભાઇ કબાભાઇ ચૌહાણના દીકરા હાર્દિકના લગ્ન ભાણગઢ ગામે રહેતા પ્રવીણભાઇ મનજીભાઇ ચુડાસમાની દીકરી માયાબેન સાથે થયેલ. બાદમાં પ્રવીણભાઇને પોતાની દીકરી માયાબેનના હાર્દિક સાથે છુટાછેડા લેવા હોય પરંતુ ઘનશ્યામભાઇ પોતાના દીકરા હાર્દિકના છુટાછેડા કરવા ઇચ્છતા ન હોય જેથી ભાણગઢ ગામે લગ્નપ્રસંગે આવેલ ઘનશ્યામભાઇને પ્રવીણભાઇ અને પ્રકાશભાઇ તેમજ લાલાભાઇએ એકસંપ કરી, અમારા ગામમાં કેમ આવ્યો છે ?

એમ કહી માર મારેલ અને બીજી વાર જો આ ગામમાં દેખાણો તો જાનથી મારી નાખવાની ધમકી આપી હતી. જેથી ઘનશ્યામભાઇને 108માં સિહોર સરકારી હોસ્પિટલ ખસેડવામાં આવેલ. આ અંગે ઘનશ્યામભાઇએ ઉપરોકત ત્રણેય શખ્શો વિરુધ્ધ સિહોર પોલીસ સ્ટેશનમાં ફરિયાદ નોંધાવતા પોલીસે આગળની તપાસ હાથ ધરી છે.