નિર્ણય:સ્વચ્છ ભાવનગરના વિજેતાઓનું કાલે સન્માન કરાશે

દિવ્ય ભાસ્કર ગ્રુપના સૌરાષ્ટ્ર સમાચાર દ્વારા તેની સામાજિક જવાબદારીના ભાગરૂપે મારૂ ભાવનગર સ્વચ્છ ભાવનગર અભિયાનની ભાવનગર મહાનગરપાલિકાના સહયોગ સાથે શરૂઆત કરી હતી. 60 દિવસ સુધી ચાલેલા આ અભિયાન અંતર્ગત સ્વચ્છતાના વિષયે અનેકવિધ કાર્યક્રમો યોજાયા હતા. હવે આ કાર્યક્રમનો સમાપન સમારોહ અને સાથે વિજેતાઓનો સન્માન સમારોહ તા.6 ડિસેમ્બરને રવિવારે સાંજે 4.30 કલાકે ઝવેરચંદ મેઘાણી ઓડિટોરિયમ, મિનિ હોલ, સરદારનગર ખાતે યોજાયો છે.