સુવિધા:ચૂંટણીપંચની વેબસાઈટમાંથી મતદાર કાર્ડ ડાઉનલોડ થશે

યુવા મતદારોને મતદાર ઓળખકાર્ડ (ચૂંટણી કાર્ડ) માટે ખાસ જણાવવામાં આવે છે કે તા.25 જાન્યુઆરીના રોજ 11મા રાષ્ટ્રીય મતદાતા દિવસે ભારતના ચૂંટણી પંચ દ્વારા મતદારોને તેમનું મતદાર ઓળખકાર્ડ સહેલાઇથી મળી રહે તે માટે e-EPIC ડિજીટલ વોટર આઇડી લોન્ચ કરેલ છે. આ e-EPIC નવા નોંધાયેલા મતદારો કે જેઓએ તેમનો મોબાઈલ નંબર નોંધાવેલ છે અને ખાસ સંક્ષિપ્ત સુધારણા-2021 દરમિયાન તા. 9 નવેમ્બર 2020 થી 15 ડિસેમ્બર 2020 સુધી ફોર્મ ભરેલ છે તેઓ ભારતના ચૂંટણી પંચની વેબસાઈટ Voter Helpline Mobile app (Android/iOS), https://voterportal.eci.gov.in/ અને https://nvsp.in/ પરથી એપ ડાઉનલોડ કરી શકે છે

જેમાં સૌપ્રથમ મતદારે વોટર પોર્ટલ પર રજિસ્ટર લોગીન કરવાનું રહેશે. ત્યારબાદ download e-EPIC લીંક પર ક્લિક કરવાનું રહેશે અને ચુંટણી ઓળખપત્ર નંબર, ફોર્મ-6 નો રેફરન્સ નંબર દાખલ કરવાનો રહેશે. ત્યારબાદ રજીસ્ટર મોબાઇલ નંબર પર આવેલ OTP દાખલ કરી download e-EPIC થકી પોતાનું મતદાર ઓળખકાર્ડ (ચૂંટણી કાર્ડ) ડાઉનલોડ થઇ જશે.