ધરપકડ:રીટાયર્ડ ASIના પુત્રને વડોદરાના PSI સહીત 5 પોલીસ ઉઠાવી ગયા

શહેરના નવાપરા પોલીસ લાઇનમા રહેતા અને શકિત કોમ્પ્યુટર નામે વ્યવસાય કરતા અાશીષ કુમાર લાલજીભાઇ ચાૈહાણે વડોદરાના ડી.સી.પી.કરણરાજ વાઘેલા, પી.અેસ.અાઇ.બી.અેસ.સેલાણા, અમરદીપસિંહ પ્રતાપસિંહ ચાૈહાણ, હે.કો.ઠાકર સનાભાઇ, અે.અેસ.અાઇ. મેહુલદાન ખીમરાજભાઇ ( તમામ વડોદરા પોલીસ ) વિરૂધ્ધ કોર્ટમા કરેલી ફરિયાદમાં જણાવાયું છે કે ગત તા. 29/11/2020 ના રોજ તેઅો તેમની દુકાને હતા.

તે વખતે તેમના કારીગર પરવેઝભાઇ પણ હાજર હતા. દરમ્યાન વડોદરાના માંજલપુર પોલીસ સ્ટેશનના PSI સહિતના પોલીસે ખાનગી કારમાં આવી તેમણે ટીંગાટોળી કરી કારમાં લઇ ગયા હતા. અને વડોદરા પો.સ્ટેશનમાં DCP સહિતનાએ તેમને માર માર્યો હતો. અને કોર્ટમાં ફરિયાદ કરશે તો બીજા કેસમા ફીટ કરી દેવાની ધમકી આપી હોવાનું કોર્ટમાં કરેલી ફરીયાદમાં જણાવાયું છે.

રીટાર્યડ ASI નું નામ છેતરપીંડીમાં ખુલ્યુ
આશીષ સામે ઓકટોબર 2019માં છેતરપીંડીનો ગુન્હો વડોદરા પોલીસ સ્ટેશનમાં નોંધાયો છે. તેમણે એક દંપતી પાસેથી ઇકો કારની ખરીદી કરી હતી. જેની આર.સી.બુક વિ.જોયા ન હતા અને કાર અરવલ્લીમાં વેચાણ કરી ઉભડકના 3-4 લાખ રૂપિયા લીધા હતા. કાર લેનારે તેમણે આશીષે કાર આપી હોવાનું જણાવ્યું હતું છેતરપીંડીમાં તેમના પિતાનું પણ નામ ખુલ્યું છે. - કરણરાજ વાઘેલા, ડી.સી.પી વડોદરા