ક્રાઇમ:સામુહીક આપઘાત કરવા માટે મજબુર કરનાર થયો જેલ હવાલ

ભાવનગરમાં વિજયરાજનગર ખાતે રહેતા નિવૃત ડીવાયએસપીના પુત્રએ પત્નિ,પુત્રીઓ અને પાલતુ ડોગીને ગોળી ધરબી દઇ પોતે પણ આપઘાત કર્યાની ઘટના મામલે નિવૃત ડીવાયએસપીએ છ શખ્સો વિરુધ્ધ પોતાના દીકરાને મરવા મજબુર કર્યાની પોલીસ ફરીયાદ નોંધાવી હતી. જે મામલે આરોપીઓએ હાઇકોર્ટમાં કવોશિંગ પિટિશન કરીને તેમની સામેની ફરિયાદ રદ કરવાની માગ કરી છે. આ કેસમા પોલીસે આરોપી યશવંતસિંહ રાણાની ધરપકડ કરી છે. જેના આજે રીમાન્ડ પુરા થતા તેને જેલ હવાલે કરાયા છે.

નિવૃત ડીવાયએસપી નરેન્દ્રસિંહ જાડેજાના પુત્ર પૃથ્વીરાજસિંહ જાડેજાએ પોતાના પરિવારજનોની હત્યા કરી પોતે પણ આપઘાત કરી લીધો હતો. જે મામલે નરેન્દ્રસિંહ જાડેજાએ પોતાના પુત્રને ધમકીઓ આપી મરવા મજબુર કર્યાની પોલીસ ફરિયાદ છ શખ્સો વિરૂધ્ધ નોંધાવી હતી. જેથી આરોપીઓએ હાઇકોર્ટમાં કવોશિંગ પિટિશન કરીને તેમની સામેની ફરીયાદ રદ કરવાની માગ કરી છે. આ કેસમા ભાવનગર એલસીબી ટીમે આરોપી યશવંતસિંહ રાણાની ધરપકડ કરી કોર્ટમા રજુ કરી રીમાન્ઠ માગ્યા હતા. જે આજે પુરા થતા તેને જેલ હવાલે કરાયો છે. જયારે એક સગીરા અને સિનિયર સિટિઝનને આરોપી તરીકે દૂર કરવામા આવ્યા છે. અને બાકીના ત્રણ આરોપીઓ વિરુધ્ધ હાલ કોઇ સખત પગલા નહી લેવાનો આદેશ હાઇકોર્ટે કર્યો છે.