સોમવારના સારા સમાચાર:ગ્રામ્ય પંથકમાં કોરોનામાં પ્રથમ ડોઝનું રસીકરણ 93%ને આંબ્યુ

ભાવનગર19 દિવસ પહેલા
  • કૉપી લિંક
પ્રતીકાત્મક તસ્વીર - Divya Bhaskar
પ્રતીકાત્મક તસ્વીર
  • બીજા ડોઝમાં રસીકરણ 63.6 ટકા થયુ
  • કોરોના સામે રસીકરણથી મળશે જીત
  • નવેમ્બરના અંતિમ સપ્તાહ સુધીમાં તમામ 10 તાલુકા-ગામડાઓમાં રસીકરણ 100 ટકાએ આંબી જશે

ભાવનગર શહેરમાં કોરોનામાં રસીકરણના પ્રથમ તબક્કામાં 100 ટકા લક્ષ્યાંક સિદ્ધ થઇ ગયા બાદ હવે ભાવનગરના 10 તાલુકા અને તેના 704 ગામડાઓમાં કોરોના રસીકરણના પ્રથમ ડોઝમાં 93 ટકા રસીકરણ થઇ ગયું છે. ભાવનગર તાલુકા-ગ્રામ્ય કક્ષાએ છેલ્લાં એક સપ્તાહમાં રોજના રસીકરણની એવરેજ 9705ની આવી હોય અને આ જ સરેરાશ ચાલુ રહી તો આગામી 10 કે 11 દિવસ એટલે કે નવેમ્બરના અંતિમ સપ્તાહ સુધીમાં ભાવનગર તાલુકા-ગ્રામ્ય કક્ષાએ કોરોના રસીકરણના પ્રથમ ડોઝમાં 100 ટકા લક્ષ્યાંક સિદ્ધિ મળી જશે. કારણ કે હવે પ્રથમ ડોઝમાં 94,334 લોકો રસીકરણથી વંચિત છે.

ભાવનગર તાલુકા-ગ્રામ્ય કક્ષાએ આજ સુધીમાં કુલ 12,52,490 લોકોને રસીનો પ્રથમ ડોઝ આપી દેવામાં આવ્યો છે. કુલ લક્ષ્યાંક 13,46,824 લોકોનો છે આથી હવે 94,334 લોકો રસીના પ્રથમ ડોઝમાં બાકી છે. ગત એક સપ્તાહ દરમિયાન કુલ 67,939 લોકોને રસી અપાઇ હોય રોજની એવરેજ 9705ની રહી છે. આ જ એવરેજ રહી તો આગામી 25મી તારીદ સુધીમાં તાલુકા-ગ્રામ્ય કક્ષાએ કોરોનાના રસીકરણમાં પ્રથમ ડોઝમાં 100 ટકા રસીકરણ થઇ જશે. કોરોનાના પ્રથમ ડોઝમાં શહેરમાં તો 100 ટકા રસીકરણ થઇ ગયું છે.

શહેરની જેમ કોરોનાના બીજા ડોઝમાં તાલુકા-ગ્રામ્ય કક્ષાએ પણ મંથર ગતિ છે. ગ્રામ્ય કક્ષાએ રસીકરણમાં 7,95,962 લોકોએ રસીનો બીજો ડોઝ લીધો હોય હજી 5,50,836 લોકો રસીના બીજા ડોઝથી વંચિત છે. ભાવનગર તાલુકા-ગ્રામ્ય કક્ષાએ 45થી વધુ વયના લોકોમાં કુલ લક્ષ્યાંક 3,97,590નું હતુ તેની સામે 4,66,218 લોકો એટલે કે 117 ટકાએ પ્રથમ ડોઝ લઇ લીધો છે.

જ્યારે બીજો ડોઝ 3,35,247 લોકોએ લીધો હોય તેમાં 72 ટકા લક્ષ્યાંક સિદ્ધિ મળી છે.18થી 44 વર્ષના યુવાનોમાં કુલ 9,49,234ના લક્ષ્યાંક પૈકી 7,31,949 એટલે કે 77 ટકાએ પ્રથમ ડોઝ લઇ લીધો છે. બીજો ડોઝ હજી માત્ર 4,10,905 લોકોએ લીધો હોય યુવાનોમાં બીજા ડોઝમાં ટકાવારી 56 ટકા રહી છે.

સતત છઠ્ઠા દિવસે કોરોનાનો એક પણ નવો દર્દી નહીં
ભાવનગર શહેર કે તાલુકા-ગ્રામ્ય કક્ષાએ આજે સતત છઠ્ઠા દિવસે કોરોના પોઝિટિવનો એકે’ય નવો દર્દી મળ્યો નથી. હાલ ભાવનગર શહેરમાં 2 અને તાલુકા-ગ્રામ્યમાં એક દર્દી એક્ટિવ હોય કુલ 3 દર્દી કોરોનાની સારવારમાં છે.

તાલુકાવાઇઝ રસીકરણની ટકાવારી

તાલુકોલક્ષ્યાંકપ્રથમ ડોઝટકાવારીબીજો ડોઝટકાવારી
ભાવનગર10603810336797.5 ટકા114970111.2 ટકા
ગારિયાધાર993627108871.5 ટકા3651251.4 ટકા
ઘોઘા795927510194.4 ટકા7319497.5 ટકા
જેસર5370554352101.2 ટકા5435244.6 ટકા
મહુવા300577316445105.3 ટકા14216344.9 ટકા
પાલિતાણા15793714967894.8 ટકા5220436.2 ટકા
સિહોર16789314463486.1 ટકા144634105.7 ટકા
તળાજા23279820936989.9 ટકા8906742.5 ટકા
ઉમરાળા784475939475.7 ટકા4212070.9 ટકા
વલ્લભીપુર704756906298.0 ટકા6658896.4 ટકા
કુલ13,46,82412,52,49093.0 ટકા7,95,96263.6 ટકા

​​​​​​​

અન્ય સમાચારો પણ છે...