કાર્યક્રમ:પ્રાથમિક શૈક્ષિક મહાસંઘ દ્વારા 4200 ગ્રેડ પે પ્રશ્ને આંદોલનના થયા મંડાણ

પ્રાથમિક શૈક્ષિક મહાસંઘ,ભાવનગર દ્વારા ગુજરાત રાજ્ય પ્રાથમિક શૈક્ષિક મહાસંઘ દ્વારા આપવામાં આવેલ આંદોલન કાર્યક્રમ અંતર્ગત જિલ્લા પંચાયત અને મહાનગરપાલિકાના પ્રાથમિક શિક્ષકોને 4200 ગ્રેડ પે આપવા બાબત,HTAT ના આર.આર. અને સેટ અપ બાબત,તેમજ અન્ય પડતર પ્રશ્નો બાબતે કલેકટર તેમજ ભાવનગર મ્યુ. કમિશ્નર અને મેયરને આવેદનપત્ર પાઠવી આંદોલનના મંડાણ કર્યો છે. આવનારા દિવસોમાં આ આંદોલનને વેગવંતુ બનાવવા તા.8.12.20 થી ગાંધીનગર ખાતે ધરણાં કાર્યક્રમનું આયોજન કરાશે અને જ્યાં સુધી આ પ્રશ્નોનો ઉકેલ ના આવે ત્યાં સુધી રાજ્ય પ્રાથમિક શૈક્ષિક મહાસંઘ લડત આપશે તેવું મહેશભાઈ મોરી દ્વારા જણાવવામાં આવેલ છે.