કોરોના કહેર:ઠળીયા ગામ ત્રણ દિવસ સંપૂર્ણ લોકડાઉન રખાશે, ગામના હિત માટે આ નિર્ણય લેવાયો

દેશ અને દુનિયામાં કોરોના વાયરસે ભરડો લીધો છે. ત્યારે ઠળીયામાં કોરોના વાયરસ ન ફેલાઇ તેના ભાગરૂપે ગામના તમામ જ્ઞાતિના આગેવાનો પ્રમુખો, પંચાયત બોડી, સીએચસીનો સ્ટાફ અને શિક્ષકો વગેરે સામાજીક અંતર જાળવી રાખીને એક નિર્ણય લેવામાં આવ્યો કે ઠળીયા ગામમાં ત્રણ દિવસ સુધી એટલે કે, તા. 11-12-13 દિવસ સુધી કોઇપણ દુકાન ખોલી શકાશે નહીં અને માત્ર દુધ અને દળવાની ઘંટી સીવાયની તમામ દુકાનો બંધ રહેશે.અને બહારથી આવેલા લોકો પૂના, મુંબઇ સુરત, અમદાવાદ, વગેરેને હોમ કોરોન્ટાઇન પણ ફરજીયાત કરવામાં આવ્યા છે. ગામના આગેવાનોની અને જ્ઞાતિવાઇઝ ટુકડીઓ બનાવી અને વિસ્તાર વાઇઝ જવાબદારીઓ સોપવામાં આવેલ છે. આ નિર્ણય ગામના હિત માટે ગામના લોકો, આગેવાનો, વેપારીઓ અને મજુરો વગેરે એ લીધો છે.