શૈક્ષણિક કાર્ય:ડાંખરા વિદ્યાલય બેલામાં ઓનલાઇન શિક્ષણ વર્ગો શરૂ

એન.એસ. ડાંખરા ઉત્તર બુનિયાદી વિદ્યાલય બેલામાં ઓનલાઇન શિક્ષણનો પ્રારંભ કરવામાં આવેલ છે જેમાં મુંજવતા પ્રશ્નોનું વ્હોટસએપના માધ્યમથી નિરાકરણ લાવવામાં આવે છે.હાલ ભારત સહિત સમગ્ર વિશ્વમાં કોરોના મહામારી ચાલી રહી છે, આવા સમયમાં શાળામાં શિક્ષણકાર્ય બંધ હોવાથી વિદ્યાર્થીઓ શાળાએ આવી શકતા નથી. તેમ છતાં પણ બાળકોનું શૈક્ષણિક કાર્ય બગડે નહિ અને તેઓ ઘરે બેઠા જ ઉત્તમ શિક્ષણ મેળવી શકે તેવા હેતુસર ડાંખરા શૈક્ષણિક સંકુલના જુદા-જુદા વિભાગો જેમાં ધો. ૬ થી ૧૨ ના ૬૫૦ થી વધારે વિદ્યાર્થીઓને આઘુનિક ટેકનોલોજીના ઉપયોગથી ઓનલાઇન શિક્ષણ અપાઈ રહ્યું છે. વિદ્યાર્થીઓ પણ આ શિક્ષણ ખૂબ જ રસપૂર્વક અને આનંદથી પ્રાપ્ત કરી રહ્યા છે.