શ્રમદાન:ગાંધી જયંતિ નિમિત્તે ભાવનગર રેલવે મંડળ દ્વારા શ્રમદાનનું આયોજન કરાયું

ભાવનગર18 દિવસ પહેલા
  • કૉપી લિંક
  • રેલ ગાર્ડનમાં ઉપસ્થિત તમામ અધિકારીઓ અને કર્મચારીઓને "સ્વચ્છતા સંકલ્પ" અપાવ્યાં
  • ભાવનગર પરા સ્થિત "રેલ ઉદ્યાન"ની સફાઈ કરીને "શ્રમદાન" કર્યું

રાષ્ટ્રપિતા મોહનદાસ કરમચંદ ગાંધીની જન્મજયંતિ નિમિત્તે, ભાવનગર મંડળ પર શ્રમદાનનું વિશાળ અભિયાન શરૂ કરવામાં આવ્યું હતું. આ પ્રસંગે ડિવિઝનના તમામ સ્ટેશનો, કોચિંગ ડેપો વગેરેમાં શ્રમદાન કરવામાં આવ્યું હતું.

ડિવિઝનલ રેલવે મેનેજર મનોજ ગોયલે રેલ ગાર્ડનમાં ઉપસ્થિત તમામ અધિકારીઓ અને કર્મચારીઓને "સ્વચ્છતા સંકલ્પ" અપાવ્યાં હતા. સૌએ સાથે મળીને ભાવનગર પરા સ્થિત "રેલ ઉદ્યાન"ની સફાઈ કરીને "શ્રમદાન" કર્યું હતું. રેલવે પાર્કમાં સ્થિત ટોય ટ્રેનનો ટ્રેકની સંપૂર્ણ સફાઈ કર્યા બાદ ટોય ટ્રેન ફરી શરૂ કરવામાં આવી હતી.

દરેકને પ્લાસ્ટિકની થેલીઓનો ઉપયોગ ન કરવા અનુરોધ કરાયો

ડિવિઝનલ રેલવે મેનેજરે ટોય ટ્રેનને ફ્લેગ ઓફ કરી અને તેને ફરી શરૂ કરવાની મંજૂરી આપી. નાના બાળકોએ પણ તે ટોય ટ્રેનમાં બેસીને પ્રવાસનો આનંદ માણ્યો હતો. રેલ પાર્કમાંથી ઝાડીઓ દૂર કરવામાં આવી હતી અને સલામત રીતે નિકાલ કરવામાં આવ્યો હતો. ત્યાં હાજર તમામ કર્મચારીઓ અને રેલવે પાર્કની બાજુના રસ્તા પરથી પસાર થતા લોકોને પણ કાપડની બેગનું વિતરણ કરવામાં આવ્યું હતું. આ ઉપરાંત દરેકને પ્લાસ્ટિકની થેલીઓનો ઉપયોગ ન કરવા અનુરોધ કરાયો હતો. બાદમાં રેલ ઉદ્યાનને વધુ સુંદર બનાવવામાં આવશે અને રેલવે કર્મચારીઓ માટે ખોલવામાં આવશે. ભાવનગર મંડળના તમામ અધિકારીઓ અને તેમના પરિવારના સભ્યોએ પણ શ્રમદાનમાં ભાગ લીધો હતો. રેલવે યુનિયનોના સભ્યો અને પદાધિકારીઓએ પણ આ શ્રમદાનમાં ભાગ લીધો હતો.

અન્ય સમાચારો પણ છે...