સજા:પાલીતાણામાં યુવાનની હત્યાના ગુનામાં અદાલતે બે શખ્સોને આજીવન કેદની સજા ફટકારી

ભાવનગરએક મહિનો પહેલા
  • કૉપી લિંક
ફાઈલ તસ્વીર - Divya Bhaskar
ફાઈલ તસ્વીર
  • ઉધાર મોબાઈલ આપવાની ના પાડતા 6 શખ્સોએ જીવલેણ હુમલો કરી યુવાનની હત્યા કરી હતી
  • પોલીસે હત્યા સહીતનો ગુનો નોંધી તમામની ધરપકડ કરી હતી

પાલીતાણા ખાતે તળાવ વિસ્તારમાં રહેતા અને મોબાઈલની દુકાન ધરાવતા ઉસ્માનભાઈ સુવાલીભાઈ સૈયદના દિકરા અયુબભાઈએ મોબાઈલ ઉધાર આપવાની ના પાડતા તેની દાઝ રાખી 6 શખ્સોએ જીવલેણ હુમલો કર્યો હતો. જેથી તેનું મોત થયું હતું. ત્યારે આ અંગેનો કેસ આજે ગુરૂવારે ભાવનગર ડિસ્ટ્રીકટ કોર્ટમાં ચાલી જતા અદાલતે બે શખ્સોને આજીવન કેદની સજા ફટકારી હતી. જ્યારે ચારને પુરાવાના અભાવે છોડી મુકવામાં આવ્યાં છે.

આ બનાવ અંગે મરણજનારના પિતા ઉસ્માનભાઇ સુવાલીભાઇ સૈયદે પાલીતાણા પો. મથકમાં ઉક્ત આરોપીઓ સામે ફરીયાદ નોંધાવતા પોલીસે તમામ આરોપીઓ સામે IPC કલમ 302, 120(બી), 114, જીપીએક્ટ 135 મુજબનો ગુનો નોંધ્યો હતો.

આ બનાવ અંગે પ્રાપ્ત વિગતો મુજબ ગત તારીખ 1-12-20 ના રોજ પાલીતાણા તળાવ વિસ્તારમાં રહેતા ઉસ્માનભાઈ સુવાલીભાઈ સૈયદની મોબાઈલની દુકાને અમીન ઉર્ફે અમિન ઈબ્રાહીમ (ઈબુ) દુધવાળા ઉધારમાં મોબાઈલ લેવા ગયો હતો. ત્યારે ઉસ્માનભાઈના દિકરા અયુભભાઈએ ઉધાર મોબાઈલ આપવાની ના પાડતા તેની દાઝ રાખી અમીનભાઈ તથા આદીલભાઈએ સહિત 6 શખ્સોએ એક્ટિવા પર જઈ રહેલા અયુબભાઈની પાછળ જઈ તેને રોકી છરી તથા પાઈપ વડે જીવલેણ હુમલો કરી હત્યા કરી હતી. આ અંગેની ફરીયાદ ઉસમાનભાઈ સુવાલીભાઈ સૈયદે પાલીતાણા ટાઉન પો.સ્ટે.માં નોંધાવી હતી. પોલીસે હત્યા સહીતનો ગુનો નોંધી તમામની ધરપકડ કરી હતી.

આ અંગેનો કેસ આજે ગુરૂવારે ભાવનગરના પ્રિન્સીપલ ડીસ્ટ્રીક્ટ એન્ડ સેસન્સ જજ આર,ટી.વચ્છાણીની અદાલતમાં ચાલી જતા અદાલતે સરકારી વકિલ વિપુલ દેવમુરારી તથા ફરીયાદપક્ષના વિપ્રોસીક્યુશન એડવોકેટ મીતેષ લાલાણીની અસરકારક દલીલો, આધાર, પુરાવા, સાક્ષીઓ વગેરે ધ્યાને રાખી આ કામના મુખ્ય આરોપી (1) અમીનભાઇ ઉર્ફે આમીનભાઇ ઇબ્રાહીમભાઇ ઉર્ફે બુભાઇ દલ (2) સોહિલભાઇ રફીકભાઇ પટ્ટણી સામે IPC કલમ 302ના સીક્ષાપાત્ર ગુનામાં તકસીરવાન ઠરાવી બન્નેને આજીવન કેદની સજા અને બન્નેને રોકડા રૂા.25-25 હજાર દંડ અદાલતે ફટકાર્યો હતો. તેમજ કુલ રૂા.50 હજાર દંડ પૈકીની રૂા.40 હજાર ફરીયાદ પક્ષને વળતર પેટે ચુકવી આપવા અદાલતે હુકમ કર્યો હતો. ઉક્ત આરોપીઓ નામદાર કોર્ટમાં હાજર ન હોય વિડીયો કોન્ફરન્સથી અદાલતે સજા સંભળાવી છે.

અન્ય સમાચારો પણ છે...