નોલેજ સિરીઝનું આયોજન:ચેમ્બર દ્વારા એકસપોર્ટ વિષય પર નોલેજ સિરીઝનું આયોજન

ભાસૌરાષ્ટ્ર ચેમ્બર ઓફ કોમર્સ એન્ડ ઇન્ડસ્ટ્રીઝ દ્વારા એકસપોર્ટ વિષય પર નોલેજ સિરીઝ નું આયોજન કરવામાં આવ્યું છે. આ વેબીનાર અંતર્ગત આંતરરાષ્ટ્રીય ખ્યાતિ ધરાવતા ગ્લોબલ નેટવર્ક અમદાવાદ નાં ડૉ.જગત શાહ દ્વારા વક્તવ્ય આપવામાં આવશે. તેઓએ તા.5 ડિસેમ્બર નાં રોજ બપોરે 4.30 થી 6 કલાક વેબીનાર માં વક્તવ્ય આપવાના છે. તેઓ ડાયમંડ ટેક્નોલોજીસ્ટ, ડેવલપમેન્ટ એક્સપર્ટ અને મેનેજમેન્ટ કન્સલ્ટનટ છે.

તેઓએ કેનેડા ખાતે ટ્રેડ અને ઇન્વેસ્ટમેન્ટ કમિશનર તરીકે નવ વર્ષ સુધી કામગીરી બજાવેલ છે. ટ્રેડ અને ઇન્વેસ્ટમેન્ટ નું ડેલીગેશન લઈને વિવિધ 40 દેશોની મુલાકાત લીધી છે. તેઓ ગ્લોબલ ચેમ્બર યુ.એસ. એ માં ગ્લોબલ એડવાઈઝર તરીકે સેવાઓ આપી રહ્યા છે. તેઓએ કલસ્ટર ડેવલપમેન્ટ, માર્કેટિંગ સ્ટ્રેટેજીસ, ટેકનોલોજી ડેવલપમેન્ટ, ઈ - પોર્ટમાં નવીનતા અને સ્પર્ધાત્મકતા વગેરે ક્ષેત્રોમાં રાષ્ટ્રીય અને આંતરરાષ્ટ્રીય સ્તરે કામ કરી ચૂક્યા છે.