રાસ-ગરબા સ્પર્ધા:ભાવનગર શહેર અને ગ્રામ્યકક્ષાએ નવરાત્રી રાસ-ગરબા સ્પર્ધા યોજાશે

ભાવનગરએક મહિનો પહેલા
  • કૉપી લિંક
પ્રતિકાત્મક તસવીર - Divya Bhaskar
પ્રતિકાત્મક તસવીર
  • પ્રાચીન અને અર્વાચીન ગરબા તેમજ રાસ સ્પર્ધાનું આયોજન
  • ત્રણેય વિભાગમાં પ્રથમ આવનાર ટીમ રાજ્યકક્ષાની સ્પર્ધામાં ભાગ લેશે

ભાવનગર શહેર અને ગ્રામ્યકક્ષાએ નવરાત્રી રાસ-ગરબા સ્પર્ધા યોજાશે. રમત ગમત, યુવા અને સાંસ્ક્રુતિક પ્રવૃતિઓ વિભાગના કમિશનર, યુવક સેવા અને સાંસ્ક્રુતિક પ્રવૃતિઓ ગાંધીનગરના ઉપક્રમે જિલ્લા યુવા વિકાસ અધિકારી, જિલ્લા રમત ગમત અધિકારી કચેરી, ભાવનગર શહેર સંચાલિત મહાનગરપાલિકા અને ગ્રામ્ય વિસ્તારની રસ ધરાવતી વિવિધ સંસ્થાઓ માટે જિલ્લાકક્ષા નવરાત્રી રાસ-ગરબા સ્પર્ધાનું આયોજન કરવામાં આવ્યું છે.
પ્રવેશપત્ર ફોર્મ ભરવું ફરજીયાત
આ સ્પર્ધામાં ભાગ લેવા માંગતી સંસ્થાઓએ પ્રવેશપત્ર ફોર્મ તથા નિયમો કચેરીના બ્લોગ એડ્રેસ :- dsosportsbvr.blogspot.com પરથી ડાઉનલોડ કરીને પ્રવેશપત્ર ભરીને તેમજ તમામ કલાકારો અને સહાયકોના આધારકાર્ડ/જન્મ તારીખના પુરાવા સાથે બિડાણ કરીને તા.15/9/2022 સુધીમાં સંપૂર્ણ વિગતો સાથે જિલ્લા રમત ગમત અધિકારી, બહુમાળી ભવન એનેક્ષી બિલ્ડીંગ, જી-2, ભાવનગર શહેર ખાતે પહોચતું કરવાનું રહેશે. આ તારીખ બાદ કોઈપણની એન્ટ્રી સ્વીકારવામાં આવશે નહીં. નવરાત્રી પ્રાચીન અને અર્વાચીન ગરબાની સ્પર્ધા અને રાસ સ્પર્ધા ત્રણેય વિભાગમાં પ્રથમ આવનાર ટીમ રાજ્ય કક્ષાની સ્પર્ધામાં ભાગ લેશે.

અન્ય સમાચારો પણ છે...