સ્વામી વિવેકાનંદ જન્મજયંતી:ભાવનગરની કોલેજમાં રાષ્ટ્રીય યુવા દિવસની ઉજવણી કરાઈ, નિબંધ તથા પોસ્ટર મેકિંગ હરિફાઈ યોજાઈ

ભાવનગર17 દિવસ પહેલા
  • કૉપી લિંક

ભાવનગર શહેર સ્થિત સરકારી ઈજનેરી કોલેજ ખાતે આજરોજ NSS યુનિટ દ્વારા સ્વામી વિવેકાનંદજીની જન્મજયંતી નિમિત્તે રાષ્ટ્રીય યુવા દિવસની ઉજવણી કરવામાં આવી હતી. આ કાર્યક્રમમાં સ્વામી વિવેકાનંદના જીવન વિશેનું વ્યાખ્યાન આપવામાં આવ્યું હતું. ઉપરાંત વિદ્યાર્થીઓ માટે નિબંધ સ્પર્ધા તેમજ પોસ્ટર મેકિંગ હરિફાઈનું પણ આયોજન કરવામાં આવ્યું હતું. જેમા 50થી વધુ વિદ્યાર્થીઓએ ભાગ લીધો હતો.

વિવેકાનંદજીના જીવન વિષેનું વ્યાખ્યાન આપ્યું
શહેરના વિદ્યાનગર ખાતે આવેલી સરકારી ઈજનેરી કોલેજ સંસ્થા ખાતે સ્વામી વિવેકાનંદની જન્મજયંતીની ઉજવણી કરવામાં આવી હતી. આ કાર્યક્રમ સંસ્થાના આચાર્ય ડૉ.જી.પી.વડોદરીયા તથા NSS પ્રોગ્રામ ઓફિસર ડૉ.હિમાંશુ શ્રીવાસ્તવના માર્ગદર્શન હેઠળ યોજવામાં આવ્યો હતો. આ કાર્યક્રમમાં વિવેકાનંદના જીવન વિશેનું વ્યાખ્યાન તજજ્ઞ બાબ પંડ્યા તેમજ દિનેશ ખાટસૂરિયા દ્વારા આપવામાં આવ્યું હતું.

50થી વધુ વિદ્યાર્થીઓએ ભાગ લીધો
​​​​​​​
વિદ્યાર્થીઓને સ્વામી વિવેકાનંદના આદર્શ મૂલ્યોથી અવગત કરવામાં આવ્યા તથા સંસ્થાના પ્રોફેસર એ.જી.કુંટે હાજર રહી વિદ્યાર્થીઓઓને પ્રોત્સાહન પૂરું પાડ્યું હતું. ત્યારબાદ વિદ્યાર્થીઓ માટે સ્વામીજીના જીવન-ચરિત્ર પર નિબંધ સ્પર્ધા તેમજ પોસ્ટર મેકિંગ હરીફાઈનું આયોજન કરવામાં આવ્યું હતું, જેમાં 50થી વધુ વિદ્યાર્થીઓએ ભાગ લીધો હતો, આ કાર્યક્રમને સફળ બનાવવા સંસ્થાના NSS કોર્ડિનેટર પ્રો.દર્શન ભટ્ટ તેમજ પ્રો.કમલેશ મકવાણા તથા અન્ય સ્ટાફ-મેમ્બર્સએ ભારે જહેમત ઉઠાવી હતી.

અન્ય સમાચારો પણ છે...