અકસ્માત:દિકરીને ખીચડો દેવા જઇ રહેલ માતાનુ બાઇક પરથી પડતા મોત

સિહોરના સાંઢખાખરા ગામના યુવાન તેમની પત્નીને સાથે બાઇક પર સાંઢ ખાખરા ગામે દિકરીને ખીચડો દેવા જઇ રહ્યા હતા તે દરમિયાન નોંઘણવદર પાસે રસ્તામાં અચાનક ખાડો આવતા યુવાને બાઇક પરનો કાબુ ગુમાવતા પાછળ બેસેલ પત્નિ બાઇક પરથી ઉછળીને રોડ પર નીચે પટકાતા મોત નિપજ્યુ હતુ. સિહોરના સણોસરા ગામે રહેતા રમેશભાઇ ઝાલા તથા તેમના પત્નિ વાલીબેન (ઉ.વ.50) મોટરસાઇકલ નં.GJ-05-E-6232 લઇને નોંધણવદર ગામે દિકરીને ખીચડો દેવા જઇ રહ્યા હતા

તે દરમિયાન સણોસરાથી નોંઘણવદર વચ્ચે ધોળા કુવા પાસે રસ્તામાં અચાનક રોદો આવતા રમેશભાઇએ મોટરસાઇકલ પરથી કાબુ ગુમાવતા પાછળ બેસેલ વાલીબેન રોડ પર પટકાતા માથાના ભાગે ગંભીર ઇજા થતા સારવાર્થે પ્રથમ સણોસરા હોસ્પિટલ ખસેડાયા હતા જ્યાથી વધુ સારવાર્થે ભાવનગર ખાનગી હોસ્પિટલ ખસેડાયા હતા જ્યા સારવાર દરમીયાન તેમનુ મોત નિપજ્યાનુ મૃતકના દિકરા રોહીતભાઇએ પાલિતાણા રૂરલ પોલીસમાં નોંધ કરાવેલ છે. બનાવ અંગે મૃતકના દિકરા રોહીતભાઇ સાથે વાત કરતા તેમણે જણાવેલ કે બેનને ખીચડો દેવા જઇ રહ્યા હોઇ તે દરમિયાન રસ્તામાં ખાડો આવતા માતા બાઇક પરથી પડી જતા મોત નિપજ્યુ છે.