સહાય કરાઈ:નેપાળની વિમાન દુર્ઘટના તેમજ સેંદરડા અને ભરુચ ખાતે બનેલી આકસ્મિક ઘટનાઓમાં માર્યા ગયેલા લોકોના પરિવારજોને મોરારિબાપુએ સહાય પહોંચાડી

ભાવનગર25 દિવસ પહેલા
  • કૉપી લિંક
  • નેપાળ વિમાન દુર્ઘટનામાં માર્યા ગયેલા પ્રત્યેક મૃતકના પરિવારને રૂપિયા પાંચ હજારની સહાય
  • ભરૂચ અને સંદરડામાં ડૂબી જવાથી મૃત્યુ થયેલા લોકોના પરિવારજનોને 25 હજારની સહાય મોકલાઈ

નેપાળના જોમસમ વિસ્તારમાં થોડા દિવસો પહેલા એક ખાનગી વિમાન દુર્ઘટનાગ્રસ્ત થયું હતું. આ વિમાનમાં ચાલકદલ અને મુસાફરો સહિત કુલ 22 લોકોએ પોતાના પ્રાણ ગુમાવ્યા છે. આ પૈકી બે મુસાફરો જર્મનીના છે તેની વિગતો મળી શકી નથી, જ્યારે 4 ભારતીય સહિતના 20 લોકોને બાપુ દ્વારા સંવેદના રુપે પ્રત્યેક મૃતકના પરિવારને રૂપિયા પાંચ હજાર લેખે એક લાખની સહાય પહોંચાડવામાં આવી રહી છે.

આ જ પ્રમાણે મહુવા તાલુકાના કોટડા ગામે એક જ પરિવારના ચાર વ્યક્તિઓના ડૂબી જવાથી મૃત્યુ થયા છે. તેમના પરિવારજનોને પણ રુપિયા 20 હજારની રોકડ સહાય મોકલાઈ છે. યોગાનુયોગ એ જ દિવસે ભરૂચ નજીકના એક ગામમાં પણ પાંચ વ્યક્તિઓનું નદીમાં ડૂબી જવાથી મૃત્યુ થયું હતું. તેમના પરિવારજનોને પણ રૂપિયા 25 હજારની સહાય પહોંચતી કરવામાં આવી છે. આમ કુલ મળીને રુપિયા 1 લાખ 45 હજારની સહાય મોરારિબાપુએ મોકલાવી છે. તમામ મૃતકોના નિર્વાણ માટે બાપુએ શ્રી હનુમાનજીના ચરણોમાં પ્રાર્થના કરી છે અને તેમના પરિવારજનો પ્રત્યે ઊંડી સંવેદના વ્યક્ત કરી છે.

અન્ય સમાચારો પણ છે...