જીવંત પ્રસારણ:ભાવનગરના રિજીયોનલ સાયન્સ સેન્ટરમાં યોજાયેલા 'સ્ટોકહોમથી નોબેલ પારિતોષિક'ના કાર્યક્રમનું જીવંત પ્રસારણ કરાયું

10 ડિસેમ્બરના રોજ રિજિયોનલ સાયન્સ સેન્ટર ભાવનગર ખાતે નોબેલ પુરસ્કારના વિશેષ કાર્યક્રમનું લાઈવ સ્ટ્રિમિંગનું આયોજન કરવામાં આવ્યા હતું. આ કાર્યક્રમનું આયોજન ગુજકોસ્ટ ગાંધીનગર અને રિજિયોનલ સાયન્સ સેન્ટર ભાવનગર દ્વારા કરવામા આવ્યું હતું.

આલ્ફ્રેડ નોબેલની મૃત્યુની વર્ષગાંઠના મનાવવામાં આવે છે
1901થી આલ્ફ્રેડ નોબેલની મૃત્યુની વર્ષગાંઠના રોજ 10 ડિસેમ્બરના રોજ સમારોહમાં નવા વિજેતાઓને નોબેલ પુરસ્કાર આપવામાં આવે છે. સ્ટોકહોમમાં નોબેલ પારિતોષિક પુરસ્કાર સમાંરભમાં, પ્રવચન વિજેતાઓ અને તેમની શોધ અથવા કાર્ય રજુ કરે છે, ત્યારબાદ સ્વિડનના મહામહિમ રાજા દરેક વિજેતાને ડિપ્લોમા અને મેડલ આપે છે. આ સમારંભમાં નોબેલ પારિતોષિત વિજેતાઓ અને તેમના પરિવારો ઉપરાંત મેજેસ્ટિઝ ધ કિંગ અને ક્વિન અને સ્વિડનના રોયલ પરિવારના અન્ય સભ્યો તથા સ્વિડિશ ગવર્મેન્ટ અને આંતરરાષ્ટ્રિય મહેમાનો હાજર રહે છે.

વિધાર્થીઓમાં નોબલ પ્રાઈઝ વિષે જાગૃતિ ફેલાવવા
યુવા પેઢીમાં અને ખાસ કરીને વિધાર્થીઓમાં નોબલ પ્રાઈઝ વિષે જાગૃતિ ફેલાવવા માટે ગુજરાતના રાજ્યના ડીપાર્ટમેન્ટ ઓફ સાયન્સ અને ટેકનોલોજી અને ગુજકોસ્ટ દ્રારા નિર્મિત અને પ્રધાનમંત્રીશ્રી નરેન્દ્રભાઈ મોદી દ્વારા ઉદ્ઘાટન થયેલ રિજિયોનલ સાયન્સ સેન્ટર ભાવનગરમાં નોબેલ પ્રાઈઝ (ફીઝીઓલોજી ઓર મેડીસીન) ગેલેરી એક યુનિક ગેલેરી છે જેમાં ફીઝીઓલોજી/મેડીસીન એવું ક્ષેત્ર છે કે જેમાં આજ સુધી એક પણ લોરીએટસ ને બીજી વાર નોબેલ મળેલ નથી. નોબેલ ગેલેરી 976.07 સ્ક્વેર મીટર જેટલા વિશાળ એરિયા માં બનાવેલ છે.

3 કરતા પણ વધારે સેલ્ફી પોઈન્ટ્સ
ગેલેરીના મુખ્ય આકર્ષણોમાં રોટેટરી નોબેલ કોઈન કે જેની સાઈઝ 1 મીટરની છે. કુલ 224 લોરીએટસ છે કે જેમને ફીઝીઓલોજી ઓર મેડીસીનમાં નોબેલ મળેલ છે જે આરએસસી ભાવનગરની નોબેલ ગેલેર્રીમાં રાખવામાં આવેલ છે. ગેલેરીમાં પ્રવેશતા જ નોબેલની માહિતી આપતું મુવી બતાવવામાં આવે છે. 3 કરતા પણ વધારે સેલ્ફી પોઈન્ટ્સ છે. 6 લોરીએટસ છે જે એક જ ફેમિલી માં હોય અને જેમને નોબેલ મળેલ છે 1) કાર્લ કોરી & ગરટી કોરી (પતિ-પત્ની), 2) મે-બ્રીઝ મોઝર & એડવર્ડ મોઝર (પતિ-પત્ની), 3) કાર્લ બર્જસ્ટોર્મ & સ્વાંતે પાબો(2022)–(પિતા -પુત્ર ) હોર્મોન્સ અને પોલીઓ ઉપર વિવિધ પઝલ રાખેલ છે. DNA નું મોડેલ રાખેલ છે.

અત્યારે સુધીમાં 224 નોબેલ પ્રાઈઝ મળ્યા
હરગોવિંદખુરાના કે જેમનો જન્મ ભારત માં થયેલ છે જેમનું પુતળું ગેલેરી માં રાખેલ છે. કુલ 22 નોબેલ લોરીએટસ ના પુતળા ગેલેર્રી માં રાખેલ છે જેમાં 13 ફૂલ અને 9 હાફ પુતળા છે. સૌથી યંગએસ્ટ લોરીએટસ ફ્રેદેઈક બેન્તિંગ છે જેમને 1923માં નોબેલ મળેલ છે સૌથી ઓલ્ડએસ્ટ લોરીએટસ પેટોન રોઉસ જેમને 1966માં નોબેલ મળેલ છે કુલ 224 માંથી 212 પુરુષ અને 12 મહિલાઓ છે જેમને નોબેલ પ્રાઈઝ મળેલ છે. જેમાં 11 મહિલાઓ નોબેલ પ્રાઈઝ શેર કરેલ છે અને 1 મહિલા (બાર્બરા મેક્કલીનટોક) કે જેમને સિંગલ નોબેલ પ્રાઈઝ મળેલ છે. 2021માં 2 લોરીએટસ નોબેલ પ્રાઈઝ મળેલ છે જે ગેલેરી માં રાખેલ છે. 5 કવોટેશન વોલ છે. ફ્લેગ વોલ છે જેમાં 35 દેશો કે જેમને નોબેલ પ્રાઈઝ મળેલ હોય તે દર્શાવેલ છે. નોબેલ ગેલેરી માં કુલ 22 કિઓસ્ક છે અને ઇન્ફોગ્રફીક્સ પેનલ પણ રાખેલ છે. 6 ઇન્ટરએક્ટીવ એક્ઝીબીટ છે. 8 જેટલા 3D મોડેલ છે, 10 જેટલા સ્ટેટિક મોડેલ રાખેલ છે. 25 જેટલા બુક્સના મોડેલ છે કે જે લોરીએટસ દ્વારા લખેલ છે.

2022ના નોબેલ પારિતોષિક વિષે વિજેતાઓ માહિતી આપી
આ ઉપરાંત કાર્યક્રમમાં રિજિયોનલ સાયન્સ સેન્ટર ભાવનગર ખાતે એસ.પી.ભટનાગર (ભૂતપૂર્વ હેડ, ફિજીક્સ ડિપાર્ટમેન્ટ, ભાવનગર યુનિવર્સિટી), ડૉ. રામાવતાર મિણા (સિનિયર પ્રિન્સિપલ સાયન્ટિસ, સેન્ટ્રલ સોલ્ટ, ભાવનગર ) અને ડો.સ્વપ્નિલ પારલિકર (એસોસીએટ પ્રોફેસર, ડિપાર્ટમેન્ટ ઓફ ફિઝિઓલોજી, ગવર્મેન્ટ મેડિકલ કૉલેજ, ભાવનગર) જેવા વિષય નિષ્ણાતો અનુક્રમે ભૌતિકશાસ્ત્ર, રસાયણશાસ્ત્ર અને શરીરવિજ્ઞાન અથવા દવાના ક્ષેત્રોમાં વર્ષ 2022ના નોબેલ પારિતોષિક વિષે વિજેતાઓની વિગતો આપી હતી. રિજિયોનલ સાયન્સ સેન્ટર ભાવનગર ખાતે યોજાયેલ કાર્યક્રમમાં રિજિયોનલ સાયન્સ સેન્ટર ભાવનગર પ્રોજેક્ટ ડાયરેક્ટર ડો. ગિરીશ કે ગોસ્વામીનાં માર્ગદર્શન હેઠળ કાર્યક્રમ યોજાયો હતો. કાર્યક્રમમાં વિવેકાનંદ હોમિયોપથી મેડિકલ કૉલેજ ભાવનગર ડાયરેક્ટર ડો.ગિરીશભાઇ વાઘાણી, ગવર્નમેંટ મેડિકલ કૉલેજ ભાવનગર ડીન ડો.હેમંત મહેતા મુખ્ય મહેમાન ઉપસ્થિત રહ્યા હતા.