એજ્યુકેશન:ધોરણ 10-12ના વિદ્યાર્થીઓ માટે માર્ગદર્શન હેલ્પલાઇનનો આરંભ

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા લેવાનારી ધોરણ ૧૦ અને ધોરણ ૧૨ ની પરીક્ષામાં વિદ્યાર્થીઓને માહિતી અને માર્ગદર્શન મળી રહે તે માટે સમગ્ર શિક્ષા વિભાગ દ્વારા હેલ્પલાઇન શરૂ કરવામાં આવી છે જેમાં નિષ્ણાત શિક્ષકો દ્વારા વિદ્યાર્થીઓને માર્ગદર્શન અપાશે. આ સુવિધા મુજબ ધોરણ 10 માં ગણિત અને વિજ્ઞાન તેમજ ધોરણ 12 સાયન્સમાં ભૌતિક વિજ્ઞાન અને રસાયણ વિજ્ઞાન વિષયમાં વિદ્યાર્થીઓને માર્ગદર્શન મળી રહે તે હેતુથી હેલ્પલાઇન શરૂ કરવામાં આવી છે. આ હેલ્પલાઇન માટેનો નંબર 079-23973614 છે.

આ હેલ્પલાઇન દ્વારા ગુજરાત બોર્ડના ધોરણ-10 અને ધોરણ-12 સાયન્સના વિદ્યાર્થીઓને નિષ્ણાત શિક્ષકો દ્વારા માર્ગદર્શન આપવાનો આયોજન ગોઠવાયું છે જેમાં વિદ્યાર્થીઓ દિવસ દરમ્યાન સવારે 10-30 કલાકથી સાંજના 6 વાગ્યા સુધી માહિતી અને માર્ગદર્શન તેમજ મૂંઝવતા પ્રશ્નોનો ઉકેલ મેળવી શકશે. ધોરણ-10 અને ધોરણ-12 માટે રાજ્યભરમાંથી કુલ 19 વિષય નિષ્ણાત શિક્ષકોની પસંદગી કરવામાં આવી છે જેમાં ભાવનગરમાંથી ધો. 12માં ફિઝિક્સ વિષય માટે બી. એમ. કોમર્સ હાઇસ્કુલના મહેશભાઈ ધાંધલા અને આ જ હાઈસ્કૂલના કેમેસ્ટ્રી વિષયના શિક્ષક જયદેવ મહેતાની રાજ્ય કક્ષાએ હેલ્પ લાઇન માટે પસંદગી કરવામાં આવી છે.

ધોરણ 10 અને ધોરણ 12ની બોર્ડની પરીક્ષાની પૂર્વે વિદ્યાર્થીઓને ગણીત અને વિજ્ઞાન જેવા વિષયોમાં જો કોઇ વિદ્યાર્થીને પ્રશ્ન કે મુંઝવણ હોય તો હેલ્પલાઇન નંબર ઉપર સવારે 10.30 થી સાંજના 6 વાગ્યા સુધીમાં માહીતી અને માર્ગદર્શન મેળવી શકશે જેથી ઉકેલ મળી જશે.

ક્યા વિષયના કેટલા નિષ્ણાતોની પસંદગી
સમગ્ર શિક્ષા વિભાગ દ્વારા હેલ્પલાઇનમાં નિષ્ણાંત શિક્ષકો માટે પસંદગી કરવામાં આવી છે તેમાં ધોરણ 10માં ગણિત વિષય માટે નિષ્ણાત શિક્ષકોની સંખ્યા 6 છે. જ્યારે ધો. 10માં વિજ્ઞાન વિષયમાં 5 શિક્ષકોની પસંદગી કરવામાં આવી છે. ધોરણ 12 સાયન્સમાં ફિઝિક્સમાં કુલ 5 શિક્ષકો અને કેમેસ્ટ્રીમાં ૩ શિક્ષકોની પસંદગી કરવામાં આવી છે