આત્મહત્યાનો પ્રયાસ:તળાજાના પાણીયાળી ગામે ઉઘરાણીથી કંટાળી યુવકે ઝેરી દવા ગટગટાવી

ભાવનગર19 દિવસ પહેલા
  • કૉપી લિંક
  • માત્ર છ હજારની રકમમાં શખ્સે જાનથી મારી નાખવાની ધમકી આપી હતી

ભાવનગર જિલ્લાના તળાજા તાલુકાના પાણીયાળી ગામના યુવાને હાથ ઉછીના નાણાં લીધા હોય જે સમયસર ચુકવી ન શકતા શખ્સે પઠાણી ઉઘરાણી કરી જાનથી મારી નાખવાની ધમકી આપતા યુવાને ઝેરી દવા પીને આત્મહત્યાનો પ્રયાસ કર્યો હતો.

સમગ્ર બનાવ અંગે અલંગ પોલીસ મથકેથી જાણવા મળતી વિગતો અનુસાર તળાજા તાલુકાના પાણીયાળી ગામે રહેતો અને ખેત મજૂરી કરી જીવન નિર્વાહ ચલાવતા અશ્ર્વિન ચકા જાંબુચાએ આજ ગામના યશપાલ નામના શખ્સ પાસેથી હાથ ઉછીના રૂપિયા 6 હજાર લીધા હતા.

આ પૈસા સમયસર ચુકવી ન શકતા યશપાલે પઠાણી ઉઘરાણી કરી હતી અને જો રવિવારે પૈસા નહીં આપે તો તેની વાડીએ ઉઠાવી જઈ જાનથી મારી નાંખવાની ધમકી આપતા વ્યથિત યુવાને ઝેરી ઝંતુનાશન દવા ગટગટાવી લેતાં સારવાર અર્થે હોસ્પિટલમાં ખસેડવામાં આવ્યો હતો. જ્યાં પોલીસ સમક્ષ યશપાલ વિરુદ્ધ ફરિયાદ દાખલ કરાવતા પોલીસે ગુનો નોંધી વધુ તપાસ હાથ ધરી હતી.

અન્ય સમાચારો પણ છે...