ચૂંટણી:પંચાયતોની ચૂંટણીમાં રસ મીઠો લાગતા 44 ઉમેદવારો વધ્યા

આ વખતે ભાવનગર જિલ્લા પંચાયતની 40 બેઠકો પર આ વખતે 111 ઉમેદવારો ચૂંટણી જંગમાં છે જ્યારે 10 તાલુકા પંચાયતોની 210 બેઠકો માટે 563 ઉમેદવારો ચૂંટણી જંગમાં છે. ગત 2015ની ચૂંટણીની તુલનામાં આ વખતે જિલ્લા પંચાયત અને તાલુકા પંચાયતની બેઠકો પરના ઉમેદવારોમાં 44નો વધારો થયો છે.

ભાવનગર જિલ્લા પંચાયતની 40 બેઠકો માટેની 2015માં યોજાયેલી ચૂંટણીમાં કુલ 97 ઉમેદવાર મેદાનમાં હતા જ્યારે આ વખતે જિલ્લા પંચાયતની ચૂંટણી માટે કુલ 111 ઉમેદવારો મેદાનમાં રહ્યાં છે. આવી જ રીતે જિલ્લામાં 10 તાલુકા પંચાયતની 210 બેઠકો માટેની 2015માં યોજાયેલી ચૂંટણીમાં 533 ઉમેદવારો મેદાનમાં હતા જ્યારે આ વખતે 10 તાલુકા પંચાયતની 210 બેઠકો માટે 563 ઉમેદવારો મેદાનમાં છે.