હવામાન:બપોરે તાપમાન 32.8 ડિગ્રી થતા પંખા ફરવાના ચાલુ થયા

ભાવનગર શહેરમાં ગઇ કાલથી ઉત્તરના બર્ફિલા પવનની ઝડપ ઘટી જતાં તાપમાનમાં વધારો થઇ રહ્યો છે. આજે બપોર મહત્તમ તાપમાન વધીને 32.8 ડિગ્રી સેન્ટીગ્રેડને આંબી જતા બપોર શહેરમાં ઘરે અને દુકાનોમાં પંખા ફરતા થઇ ગયા છે.

 ભાવનગર શહેરમાં ગઇ કાલે મહત્તમ તાપમાન 30.1 ડિગ્રી સેન્ટીગ્રેડ થઇ ગયું હતુ જે આજે એક જ દિવસમાં 2.7 ડિગ્રી સેન્ટીગ્રેડ વધીને 32.8 ડિગ્રી સેન્ટીગ્રેડ થઇ જતા બપોરે હવે શિયાળાના અંતિમ તબક્કાનો અનુભવ થવા લાગ્યો છે. જ્યારે રાત્રે લઘુત્તમ ઉષ્ણતામાન 24 કલાક અગાઉ 13.4 ડિગ્રી સેન્ટીગ્રેડ હતુ તે આજે વધીને 14.6 ડિગ્રી સેન્ટીગ્રેડ થઇ જતા રાત્રે પણ હાડ ગાળતી ઠંડીમાં લોકોને રાહત મળી છે. આજે શહેરમાં પવનની ઝડપ ઘટીને 4 કિલોમીટર થઇ ગઇ હતી.