મુસાફરી:43 િદવસમાં 34462 લોકોએ માણી રો-પેક્સ ફેરીની મુસાફરી

ઘોઘા-હજીરા રો-પેક્સ ફેરી સર્વિસને મળેલી જબ્બર સફળતાને કારણે મુસાફરો, વાહનવ્યવહારને સરળતા મળી રહી છે. મુસાફરો બસની સરખામણીમાં ઓછા ભાડાથી ક્રૂઝ શિપ જેવી લકઝરીયસ ટ્રિપનો આનંદ ઉઠાવી રહ્યા છે. ઘોઘા-હજીરા રો-પેક્સ ફેરી સર્વિસ શરૂ થયાના 43 દિવસ દરમિયાન 34462 મુસાફરો, 5962 કાર, 2276 ટુ-વ્હિલર, 889 ટ્રકનું સંચાલન કરવામાં આવ્યું છે. જહાજના સંચાલકો દ્વારા ઘોઘા-હજીરા રૂટને મળેલી સફળતાથી પ્રેરાઇ અને વધુ એક રો-પેક્સ જહાજ લાવવામાં આવી રહ્યું છે. ઘોઘા અને હજીરા બંને તરફ જહાજને પર્યાપ્ત જથ્થામાં આવશ્યક પાણી મળી રહેતા હોવાથી આસાનીથી શિપ ચાલી શકે છે. મુસાફરોના કમ્ફર્ટ માટે નવા નવા આકર્ષણો ઉમેરવામાં આવી રહ્યા છે.