તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

કોરોના રિપોર્ટમાં વિરોધાભાસ:કોરોના ટેસ્ટ બન્યા અવિશ્વસનિય, રેપિડમાં પોઝિટિવ તો RT PCRમાં આવ્યો નેગેટીવ

ભાવનગરએક મહિનો પહેલા
  • કૉપી લિંક
  • કોરોના માટેના ટેસ્ટના ખોટા રિપોર્ટ જીંદગી જોખમમાં મુકી શકે
  • એક જ દિવસે એક કલાકના સમયગાળામાં કરાવેલા બન્ને રિપોર્ટમાં વિસંગતતા

ભાવનગર શહેર અને જિલ્લામાં કોરોનાએ હાહાકાર મચાવ્યો છે જ્યારે બીજી તરફ પ્રજાજનોમાં પણ કોરોના ટેસ્ટ કરાવવા જાગૃતિનો જુવાળ ઉભો થયો છે. શહેરમાં જ રોજના રેપિડ ત્રણ થી ચાર હજાર રિપોર્ટ થાય છે. પરંતુ રેપિડ અને RT PCR પૈકી કયો ટેસ્ટ વિશ્વાસપાત્ર છે તેમાં પ્રજા મૂંઝવણમાં મુકાઈ છે. એક દર્દી એક જ દિવસે રેપિડ અને RT PCR કરાવે તે બંનેમાં રિપોર્ટમાં વિરોધાભાસ જોવા મળતા ધીરે ધીરે લોકોને પણ ટેસ્ટ પરથી વિશ્વાસ ઉઠતો જાય છે.

અન્ય મહાનગરોની જેમ ભાવનગરમાં પણ દિન-પ્રતિદિન રેકોર્ડ બ્રેક કોરોના પોઝિટિવ કેસ નોંધાઈ રહ્યા છે. આજે પણ સત્તાવાર રીતે સરકારી ચોપડે નોંધાયેલા 165 કેસ જાહેર કર્યા છે. સામાન્ય રીતે કોરોના પોઝિટિવ કે નેગેટિવ રેપિડ, RT PCR કે સીટી સ્કેન- એક્સ રે ના ટેસ્ટ પરથી સાબિત થાય છે. હાલમાં સરકારી તંત્ર દ્વારા રેપિડ અને RT PCR ટેસ્ટ દ્વારા પોઝિટિવ કે નેગેટિવ જાહેર કરી જો પોઝિટિવ હોય તો તેની દવા આપવામાં આવે છે અથવા તો વધારે ખરાબ હાલત હોય હોસ્પિટલમાં સારવાર આપવામાં આવે છે.

પરંતુ રેપિડ કે RT PCR ટેસ્ટ દ્વારા પણ કોરોનાની વાસ્તવિકતા બહાર આવતી નથી. એક દર્દીએ કોર્પોરેશનના કાળીયાબીડના આરોગ્ય કેન્દ્રમાં આઈ.ડી.2444300120080 સાથે RT PCR ટેસ્ટ કરાવ્યો. પરંતુ તેનો રિપોર્ટ આવતા ત્રણથી ચાર દિવસ લાગી જાય છે જેથી તે દર્દીએ એક કલાકના સમયગાળામાં જ ભરતનગર ધન્વંતરી રથમાં રેપિડ ટેસ્ટ કરાવતા સ્થળ પર જ પોઝિટિવ આવ્યો. અને તે દર્દી હોમ આઈસોલેશનમાં રહી સારવાર શરૂ કરાવી. આશ્ચર્યની વાત તો તે છે કે, ત્રણ દિવસ બાદ RT PCR નો રિપોર્ટ નેગેટિવ આવ્યો. આવા તો અસંખ્ય દાખલાઓ છે.

લોકો અને સરકારી તંત્ર રેપિડ કરતા પણ RT PCRના રિપોર્ટ પર વધારે વિશ્વાસ રાખે છે પરંતુ તે રિપોર્ટ પણ ખોટા આવ્યા. જો દર્દી માત્ર એક રિપોર્ટના આધારે નેગેટીવ ધારીને પોતે સ્વસ્થ હોવાની ધારણાએ સારવાર ન શરૂ કરે અને પરિવાર તેમજ અન્ય લોકો સાથે સોશિયલ ડિસ્ટન્સ પણ ન જાળવે તો દર્દીનું સ્વાસ્થ્ય પણ બગડવાની પુરી શક્યતા સાથે કોરોનાના સંક્રમણ વહન કરનાર પણ બની શકે છે. જેથી આવી ગંભીર બેદરકારી તંત્રએ સુધારવી આવશ્યક છે.

ખોટા રિપોર્ટ માટે ઘણા ફેક્ટર જવાબદાર
કોરોના ટેસ્ટ માટે RT PCR નો રિપોર્ટ વધુ વિશ્વસનીયતા ધરાવે છે. પરંતુ તેમાં પણ ખોટા રિપોર્ટ આવી શકે તે માટે સેમ્પલ લેવા અને તેને લેબ સુધી પહોંચાડવામાં ગફલત થાય તો પણ રિપોર્ટ ખોટા આવી શકે તદુપરાંત પણ ઘણાં ફેક્ટર ખોટા રિપોર્ટ માટે જવાબદાર હોય છે.> ડો.આર.કે.સિન્હા, મુખ્ય આરોગ્ય અધિકારી, મ્યુ.કોર્પો

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- સમય પ્રમાણે મહેનત કરતા રહો. યોગ્ય પરિણામ પ્રાપ્ત થશે. યુવા વર્ગ પોતાના લક્ષ્ય પ્રત્યે ધ્યાન કેન્દ્રિત રાખે. સમય અનુકૂળ છે. તેનો ભરપૂર ઉપયોગ કરે. થોડો સમય અધ્યાત્મમા પસાર કરવાથી સુકૂન મળી શકે...

    વધુ વાંચો